Ruth 2:14 - Mbeti ti Nzapa - Tënë so amu fini

¹⁴ Na ndembe ti tengo kobe, Booz atene na Ruth: “Ga mo te kobe. Mu mbeni mapa, mo fâ ya ni, mo yoro na ya ti ngu ti kasa si mo te.” Ruth aduti na tere ti azo ti fango ale ti kobe ni si Booz amu na lo mbeni gba ti ale ti kobe so a yoro ni yorongo. Lo te ni, ya ti lo asi si lo bata tanga ni.

Ruth 2:14 ပူးပေါင်းရင်းမြစ်များ

2 Samuel 17:28

Ala ga na agbogbo, akota sembe, akopo, asembe, akobe ti tengo ni: *ble, *orze, farini, ale ti kobe so a yoro ni yorongo, lantii,

Abia (Psaumes) 23:5

Mo leke kobe ti matanga ndali ti mbi si mbi duti ti te ni na le ti awato ti mbi. Mo tuku yombo na li ti mbi ti yamba na mbi, kopo ti mbi asi ahon ndoni.

Ésaïe 32:8

Me ne-ne zo ayeke leke na be ti lo ti sara gi nzoni ye, lo yeke sara gi ye so ane.

Ésaïe 58:7

ti kangbi kobe ti mo na zo so nzara ayeke sara lo, ti mu ndo ti lango na azo ti mawa so da ti li ti ala ayeke daa pepe, ti mu bongo na azo so bongo atia ala; ayeke nga titene mo zia peko ti mo pepe na taa ita ti mo.”

Matthieu 14:20

Zo oko oko ate, ya ti lo asi. Adisiple aro tanga ti anduru ni, asi sakpa baleoko na use.

Ndia ti fani use ni 11:15

Fade lo yeke sara si fini pere asigigi na ya ti ngonda titene anyama ti ala ate. Ti ala, fade ala yeke te kobe, ya ti ala asi.

Ndia ti fani use ni 8:10

Ala yeke te kobe alingbi na nzara ti ala si ala yeke mu singila na KOTA GBIA Nzapa ti ala ndali ti nzoni sese so lo mu na ala.

Ruth 2:13

Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”

Ruth 2:15

Na pekoni, Ruth alondo akiri ague ti ro ale ti kobe. Booz amu yanga na azo ti kua ti lo, atene: “Ala zia lege na lo, lo ro ale ti kobe so atuku na popo ti agba ni; ala kanga lege na lo pepe.”

Ruth 2:18

Lo mu ale ti kobe ni si lo kiri na kodro; lo fa ni na mama ti koli ti lo. Tanga ti kobe so lo te si angba so, lo sigigi nga na ni si lo mu ni na kogara ti lo.

1 Samuel 17:17

Mbeni lâ, Yese atene na molenge ti lo David, atene: “Mu sake oko ti *ble so ayoro ni yorongo nga na mapa baleoko so, mo gue na ni hio na a-ita ti mo na ya ti bâbâ.

1 Samuel 25:18

Abigail alondo hio amu mapa ngbangbo use, bozo use so a sara na poro ti nyama si vin ayeke na ya ni, ataba oku so a leke ala kue awe, sakpa oku ti *ble so a yoro ni yorongo, gba ti aholengo le ti vinye ngbangbo oko nga na gba ti aholengo le ti fige ngbangbo use so akpa gatoo. Lo zia aye so kue na ndö ti alele.