Ruth 2:13 - Mbeti ti Nzapa - Tënë so amu fini

¹³ Ruth atene: “Kota zo, mo ngba ti sara nzoni na mbi; mo sara si be ti mbi ade. Tënë so mo tene so agbu be ti mbi mingi; mbi so mbi lingbi nga na awali so ayeke sara kua na gbe ti mo lawa!”

Ruth 2:13 ပူးပေါင်းရင်းမြစ်များ

Tongo nda ti aye 32:6

Mbi yeke na abagara, alele, ataba, angasa na azo ti kua ti koli na ti wali. Nilaa mbi tokua azo ti tene tënë ni na mo, kota zo ti mbi titene mo sara nzoni be na mbi.’ ”

Tongo nda ti aye 33:10

Jacob akiri tënë, atene: “Ên-en, mbi gbu gere ti mo! Tongana mo baa mbi na nzoni le, ayeke nzoni mo yeda ti mu kadoo so mbi mu na mo so. So mbi baa le ti mo so, ayeke tongana ti so zo abaa le ti Nzapa. Biani, mo yamba mbi nzoni mingi.

Tongo nda ti aye 33:15

Ezau atene: “Mbi ye ti zia ambeni zo so ayeke mu peko ti mbi so titene ala ngba na tere ti mo.” Jacob akiri tënë, atene: “Ngbanga ti nyen? Mbi ye gi titene mo, kota zo ti mbi, mo baa mbi na nzoni le, awe!”

Tongo nda ti aye 33:8

Ezau ahunda ndo, atene: “Mo ye fade ti sara nyen na gba ti anyama so kue mbi wara na lege so?” Jacob akiri tënë, atene: “Mbi ga na ala na mo, kota zo ti mbi titene mo baa mbi na nzoni le.”

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

Tongo nda ti aye 43:14

Ayeke nzoni Nzapa so ngangu ti lo ahon angangu kue so, asara titene koli so abaa ala na nzoni le; lo zia lege na ita ti ala so angba kâ so, nga na Benjamin titene ala kiri. Tongana ayeke titene a zi amolenge ti mbi na maboko ti mbi, a zi ala.”

2 Samuel 16:4

Gbia atene na Siba: “Tongaso, aye ti Mefibaal kue ayeke fadeso ti mo.” Siba akuku akpo li ti lo na sese si lo tene: “Gbia ti mbi, ayeke nzoni mo sara nzoni be na mbi lakue.”

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Osée 2:16

Tongaso, mbi yeke sara kue ti woko be ti lo, mbi yeke gue na lo na benyama si mbi yeke tene anzoni tënë na lo titene be ti lo ade.

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

Awafango-ngbanga 19:3

Koli ti lo alondo, ague na peko ti lo ti de be ti lo ti kiri na lo. Koli ni amu zo ti kua ti lo na alele use si ala gue. Wali ni amu lo ali na lo na ya ti da ti babâ ti lo; so babâ ti wali ni abaa koli ni, babâ ni ayamba lo na ngia.

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”

Ruth 2:14

Na ndembe ti tengo kobe, Booz atene na Ruth: “Ga mo te kobe. Mu mbeni mapa, mo fâ ya ni, mo yoro na ya ti ngu ti kasa si mo te.” Ruth aduti na tere ti azo ti fango ale ti kobe ni si Booz amu na lo mbeni gba ti ale ti kobe so a yoro ni yorongo. Lo te ni, ya ti lo asi si lo bata tanga ni.

1 Samuel 1:18

Anne atene: “Ayeke nzoni mo ngba ti sara nzoni be na mbi.” Lo kiri, lo te kobe; vundu ayeke na le ti lo mbeni pepe.

1 Samuel 25:41

Abigail akuku akpo li ti lo na sese si lo tene: “Mbi, zo ti kua ti mo, mbi yeke ngbaa-wali; mbi ye ti sukula gere ti azo ti kua ti babâ ti mbi.”