Rome 9:5 - Mbeti ti Nzapa - Tënë so amu fini

⁵ ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Rome 9:5 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

1 Agbia 1:36

Benaya, molenge ti Yoyada akiri tënë na gbia, atene: “Amen! KOTA GBIA, Nzapa ti gbia ti mbi laa azia atënë so na yanga ti gbia.

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

Abia (Psaumes) 103:19

KOTA GBIA azia mbata ti lo ti gbia na yayu; lo yeke le-gbia na ndö ti aye kue.

Abia (Psaumes) 106:48

Singila na KOTA GBIA, Nzapa ti Israel, ngbene ye lakue lakue, kpu na kpu! Ayeke nzoni azo kue atene: “Amen! Aleluya!”

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 45:6

Yanga ti ale ti kokora ti mo aza mingi, fade ayeke koro be ti awato ti mo, gbia. Biani, fade azo kue ayeke ti na gbe ti mo.

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 89:52

KOTA GBIA, awato ti mo azonga zo so mo tuku mafuta na li ti lo ti ga gbia so, ala zonga peko ti gere ti lo.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Jérémie 28:6

lo tene: “Amen! Ayeke nzoni KOTA GBIA asara tongana ti so mo tene so! Ayeke nzoni KOTA GBIA asara ye alingbi gi na atënë so mo fa peko ni so: akungba ti ya ti kota da ti Nzapa na azo so kue a gbu ala si a gue na ala na Babilone, ayeke nzoni a kiri na ala na ndo so.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 20:44

So David airi lo atene, Kota Gbia so, Mesii ayeke kiri ti ga molenge ti David tongana nyen?”

Jean 10:30

Mbi na Babâ, e yeke oko.”

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Rome 1:25

Ala zia taa-tënë na ndö ti Nzapa awe si ala mu peko ti mvene; ala voro aye so Nzapa asara si ala sara kua na aye ni, me ala zia ti voro Nzapa so asara si aye kue abaa gigi. Ayeke nzoni azo agonda lo kpu na kpu! Amen.

Rome 1:3

Nzoni Tënë ni ayeke tënë ti Molenge ti lo: na lege ti dungo ti zo, a du lo na ya ti *hale ti David.

Rome 10:12

Tongaso, azuife na azo ti amara nde kue ayeke gi legeoko: Kota Gbia ti ala ayeke gi oko, lo yeke mu anzoni ye mingi na ala so kue airi lo titene lo mu maboko na ala.

Rome 11:28

Azuife ake Nzoni Tënë awe, nilaa ala ga awato ti Nzapa; ye so asi ndali ti nzoni ti ala, azo ti amara nde. Me Nzapa asoro azuife titene ala ga azo ti lo, lo ye ala ndali ti akotara ti ala.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

Ndia ti fani use ni 10:15

Me na popo ti amara kue, gi akotara ti ala oko laa be ti KOTA GBIA agbu ala si lo ye ala. Fadeso, ala *ahale ti ala laa lo soro ala na popo ti amara kue, tongana ti so a yeke baa ni laso so.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 6:15

Lo yeke kiri ande na ngoi so Nzapa wani afa. Nzapa oko so ayeke na ndö ti aye kue, azo ayeke tene nzoni tënë ti lo, lo yeke Gbia ti agbia, Kota Gbia ti akota gbia.

2 Timothée 2:8

Mo dabe ti mo na Jésus Christ so ayeke *hale ti David. Lo zingo na kuâ tongana ti so ala yeke ma na ya ti Nzoni Tënë so mbi yeke fa.

Ahebro 7:24

Me ti Jésus, lo yeke ngba na fini lakue lakue; mbeni zo nde ti mu ndo ti lo, ti sara kua ti yango sandaga ni ayeke daa pepe.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!

Aye so Nzapa afa 5:14

Aye osio so ayeke na fini atene: “Amen!” Akangba ni akuku si ala voro Nzapa na Molenge ti Taba ni.