Rome 9:4 - Mbeti ti Nzapa - Tënë so amu fini

⁴ A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Rome 9:4 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 17:10

Baa, lege so ala yeke bata tënë ti mbuki so ayeke na popo ti mbi na mo nga na ahale ti mo so ayeke ga na peko ti mo ayeke tongaso: alingbi a fâ akoli so kue ayeke na popo ti ala na *ganza.

Tongo nda ti aye 17:2

Mbi ye ti leke *mbuki na popo ti mbi na mo; mbi yeke sara titene *ahale ti mo awu ahon ndoni.”

Tongo nda ti aye 17:7

Mbi yeke sara titene mbuki so ayeke na popo ti mbi na mo so angba ngbii asi na amolenge ti mo nga na ahale ti mo, na lege ti molongo ti dungo ti ala oko oko. Mbuki ni ayeke ngba kpu na kpu si na lege ni, mbi yeke duti Nzapa ti mo nga na Nzapa ti ahale ti mo so ayeke ga na peko ti mo.

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

1 Agbia 8:11

Awayango-sandaga alingbi pepe ti sara kua ti ala ndali ti mbinda ni, ngbanga ti so gonda ti KOTA GBIA asi singo na ya ti kota da ni.

Néhémie 13:29

“Nzapa ti mbi, dabe ti mo lakue so azo asara si kua ti awayango-sandaga aga sioni! Ala sara nga si *mbuki ti mo na awayango-sandaga na azo ti mara ti Lévi aga sioni!”

Abia (Psaumes) 147:19

Lo fa tënë ti lo na Jacob, lo fa ambela ti lo nga na atënë ti ndia ti lo na Israel.

Abia (Psaumes) 63:2

Nzapa, mo laa mo yeke Nzapa ti mbi; mbi yeke gi mo; be ti mbi asara nzara ti mo tongana ti so nzara ti ngu asara zo, tere ti mbi kue ayeke na nzara ti mo mingi tongana kuru sese so aye ngu, tongana sese so ahole si ngu ayeke daa pepe.

Abia (Psaumes) 73:1

Bia ti Asaf. Biani, Nzapa ayeke sara nzoni na azo ti Israel, lo yeke sara nzoni na azo so ayeke na vuru be.

Abia (Psaumes) 78:61

Sanduku ti mbuki ti lo so afa gonda ti lo nga na ngangu ti lo, lo zia ni na maboko ti awato si ala gue na ni na ndo ti ala.

Abia (Psaumes) 89:3

Biani, mbi tene: Nzoni be ti mo angba kpu na kpu, mo yeke bata tënë ti yanga ti mo tongana le ti nduzu so angba lakue.

Abia (Psaumes) 89:34

Me fade mbi yeke zi nzoni be ti mbi na mbage ti David pepe, mbi yeke bere tënë ti yanga ti mbi pepe.

Abia (Psaumes) 90:16

Ayeke nzoni azo ti kua ti mo abaa anzoni ye so mo sara si *ahale ti ala abaa gonda ti mo!

Sigingo 12:25

Tongana ala si ande na ya ti kodro so KOTA GBIA amu zendo ti mu na ala, fade ala yeke sara ye ni tongaso.

Sigingo 34:27

KOTA GBIA atene na Moïse: “Su andia so na mbeti, ngbanga ti so na lege ti andia so laa mbi yeke sara mbuki na mo nga na azo ti Israel.”

Sigingo 4:22

Tongaso, fade mo yeke tene na lo: Tënë so KOTA GBIA atene ayeke so: ‘Israel ayeke kozo molenge ti mbi ti koli.

Sigingo 40:34

Tongaso mbinda akanga ndö ti da ti bongo so Nzapa na azo ti lo ayeke wara tere daa si gonda ti KOTA GBIA asi singo na ya ni.

Ésaïe 41:8

“Ti mo Israel, zo ti kua ti mbi, mo Jacob so mbi soro mo, mo yeke *hale ti Abraham, kamarade ti mbi.

Ésaïe 46:3

Azo ti Jacob, ala ma mbi, ala, atanga ti azo ti Israel so angba na fini so! Gi so ala de na ya ti mama ti ala, mbi bata ala, gi so a du ala, mbi yo ala.

Ésaïe 5:2

Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Ésaïe 60:19

Fadeso, na kota lâ, sungo ti lâ laa ayeke kiri ti mu lumiere na mo pepe, na bi, sungo ti nze laa ayeke kiri ti mu lumiere na mo pepe. Me mbi KOTA GBIA, Nzapa ti mo laa, mbi yeke ga lumiere ti mo lakue lakue. Vurungo ndo ti mbi ayeke su na ndö ti mo.

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 31:9

Azo ni ayeke kiri na toto na yanga ti ala. So mbi yeke ga na ala, ala yeke dema tere ti ala; mbi yeke gue na ala na ndo so gba ti ngu ayeke sua daa, mbi yeke sara titene ala hon na lege so ayeke mbirimbiri, ndo so ala lingbi pepe ti pika gere ti ala ti ti. Biani, mbi yeke tongana babâ ti Israel, Efraim ayeke kozo molenge ti mbi.”

Ezekiel 1:28

Lumiere so angoro lo akpa *kongö so ayeke za na ya ti mbinda na lango so ngu-Nzapa aye ti pika; andaa ye ni akpa gonda ti KOTA GBIA. Na bango ni, mbi ti, mbi kpo li ti mbi na sese. Na pekoni, mbi ma mbeni go so ayeke tene tënë na mbi.

Osée 11:1

*KOTA GBIA atene: “So Israel ade ando maseka, mbi ye lo, mbi iri molenge ti mbi ti koli titene lo sigigi na kodro ti Ezipte.

Wungo ti azo 7:89

Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 1:47

Jésus abaa Natanael so ayeke ga na mbage ti lo si lo tene: “Baa, so mbirimbiri zo ti Israel laa. Lo hinga ti tene mvene pepe.”

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

Rome 3:2

Biani, ye ti nzoni ni ayeke kota na ya ti aye mingi. Kozo ye ni ayeke so Nzapa azia atënë ti lo na maboko ti azuife.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Rome 9:6

So aye ti tene pepe atene, peko ti tënë ti yanga ti Nzapa ayeke ngba senge. Biani, azo so ayeke ahale ti Israel, ala kue laa ayeke taa azo ti Israel pepe.

2 Korente 11:22

Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

Galasii 3:16

Legeoko nga, Nzapa amu azendo na Abraham na *hale ti lo. Mbeti ti Nzapa atene tënë ti “ahale ti lo” pepe; a tene tënë ti azo mingi pepe, gi tënë ti zo oko: “na hale ti mo”, so ti tene Christ.

Efeze 2:12

ando, ala yeke yongoro na Christ, mbeni ye ti ala oko so ala lingbi ti wara na popo ti azo ti Israel ayeke daa pepe. Nzapa asara si azo so lo mu zendo na ala, lo sara *ambuki na ala; me ala azo ti amara nde, ala yeke na ya ti ambuki so pepe. Mbeni ye so ala lingbi ti zia be ti ala daa ti ku na dunia so ayeke daa pepe; ala hinga Nzapa pepe.

Ndia ti fani use ni 14:1

Moïse atene: Ala yeke amolenge ti *KOTA GBIA Nzapa ti ala. Tongaso, tongana mbeni zo akui, alingbi ala suru tere ti ala na ka pepe, ala kio kua ti ndö ti le ti ala pepe.

Ndia ti fani use ni 29:1

Moïse abongbi azo ti Israel kue si lo tene na ala: Ala wani abaa na le ti ala aye so kue *KOTA GBIA asara na gbia Faraon, na azo ti gbe ti lo nga na kodro ti lo kue.

Ndia ti fani use ni 29:14

ayeke nga ndali ti azo so kue ayeke luti laso na ndo so na le ti KOTA GBIA Nzapa ti e; ayeke nga ndali ti azo so ayeke na popo ti e laso pepe.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 4:13

Lo sara si ala hinga tënë ti *mbuki ti lo. Lo mu yanga na ala titene ala bata mbuki ni na sarango ye alingbi na Andia baleoko so lo su na ndö ti akpangbara têne use.

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Ahebro 9:1

Kozo *mbuki ayeke na andia so ayeke fa na azo lege ti vorongo Nzapa; ayeke nga na da ti vorongo Nzapa so azo aleke na ndö ti sese so.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.

Ahebro 9:5

Na ndö ti sanduku ni, limo ti *asheruben ayeke daa so afa atene, Nzapa ayeke na ndo so. Asheruben azi ya ti *akpangi ti ala na ndö ti *ye ti kangango na yanga ti sanduku ni. Me ndembe ni laa pepe titene mbi fa nda ti aye so oko oko kue fadeso.

Ahebro 9:6

So a leke aye ni tongaso kue awe, awayango-sandaga ayeke li lakue na ya ti kozo ndo ni ti sara kua ti ala.