Rome 9:28 - Mbeti ti Nzapa - Tënë so amu fini

²⁸ Biani, ngbanga so *Kota Gbia atene tënë ti fango ni na ndö ti azo ti sese so, fade lo yeke ninga ti sara ni pepe, lo yeke sara ni kue.”

Rome 9:28 ပူးပေါင်းရင်းမြစ်များ

Abia (Psaumes) 65:5

Ti lo nzoni, zo so mo soro lo si mo sara titene lo ga nduru na mo, fade lo yeke duti na ya ti gbagba ti mo. Fade e yeke wara anzoni ye ti kota da ti mo, anzoni ye ti kota da ti mo so ayeke nde si ayeke nzoni kue so.

Abia (Psaumes) 9:8

Me KOTA GBIA aduti na ndö ti mbata ti lo ti gbia kpu na kpu. Lo sara si mbata ti lo ti gbia akpengba si lo duti ti fâ ngbanga.

Ésaïe 10:22

Israel, ataa wungo ti azo ti mo ayeke tongana wungo ti mbutu ti yanga ti kota ngu-ingo, fade gi tanga ti azo so angba laa ayeke kiri na KOTA GBIA. A leke tënë ti bubango ye kue awe, fango ngbanga ti mbirimbiri ayeke mu ndo kue tongana ngu so asuku.

Ésaïe 10:23

Biani, Kota Gbia NZAPA, lo so lo yeke na ndö ti dunia kue aleke tënë ti bubango ye kue awe, fade lo yeke sara ye ni na ya ti kodro ni kue.

Ésaïe 28:22

Fadeso, ala zia lege ti hengo ndo, tongaso pepe, kamba so akanga na ala, ayeke kiri ti kanga ala ngangu. Biani, Kota Gbia NZAPA so ayeke na ndö ti dunia kue atene na mbi atene, lo leke na be ti lo ti buba kodro ni biani biani.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Matthieu 24:21

ngbanga ti so, fade pasi ni ayeke duti kota mingi. Ngbene ye na tongo nda ti dunia ngbii asi fadeso, zo ade ti baa mara ti pasi tongaso laoko pepe. Na pekoni, fade zo ayeke kiri ti baa mara ti pasi so oko pepe.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.