Rome 9:27 - Mbeti ti Nzapa - Tënë so amu fini

²⁷ Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Rome 9:27 ပူးပေါင်းရင်းမြစ်များ

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 24:13

Biani, na ndö ti sese, na popo ti amara, ye ayeke ngba gi kete tongana ti so ale ti keke ti olive ayeke ngba gi kete na ya ti keke ni na peko ti so a fâ ale ti olive ni awe, tongana ti so a fâ ale ti vinye si ahunzi awe.

Jérémie 44:14

Na popo ti tanga ti azo ti Juda so angba si aga ti honde tere ti ala na Ezipte, fade mbeni oko ayeke kpe pepe, mbeni oko ayeke ngba na fini pepe. Kodro ti Juda so ala yeke sara nzara ti kiri ti duti daa, zo oko ayeke kiri kâ pepe. Biani, ala yeke kiri kâ pepe, me gi ambeni zo oko oko so akpe.’ ”

Jérémie 5:10

Ala mondee na li ti agbagba ti azo ti mara ni, ala buba aye; me ala buba ye kue pepe! Ala fâ gi amaboko ti *vinye ti azo ni; amaboko ni so ayeke ti KOTA GBIA pepe.

Ezekiel 6:8

Me mbi yeke zia ambeni zo na popo ti ala angba na fini na peko ti bira. A yeke kangbi azo ni so na ya ti akodro wande.