Rome 9:20 - Mbeti ti Nzapa - Tënë so amu fini

²⁰ Mo zo, mo yeke ti mo zo wa ti kiri tënë na Nzapa? Ta ti sese so zo asara na maboko ti lo alingbi ti hunda zo so asara lo, atene: “Ngbanga ti nyen si mo leke mbi tongaso?”

Rome 9:20 ပူးပေါင်းရင်းမြစ်များ

2 Samuel 16:10

Me gbia atene: “Abishai, mo na ita ti mo Yoab, ti ala na mbi nyen? Tongana lo deba mbi, e hinga pepe, KOTA GBIA laa amu yanga na lo ti deba mbi. Zo wa laa alingbi ti tene na lo, atene: ‘Mo sara tongaso ngbanga ti nyen?’ ”

Mbeti ti Job 16:3

Ala tene: “Atënë ti mo so ayeke tongana pupu senge so ayeke hunzi lawa?” Wala “Nyen laa aso be ti mo si mo kiri tënë na ngonzo tongaso?”

Mbeti ti Job 33:13

Mo gi tënë na Nzapa ngbanga ti nyen? Aye so kue lo yeke sara, lo lingbi ti fa peko ni na zo?

Mbeti ti Job 36:23

Zo wa laa ahunda na lo ti fa peko ti dutingo ti lo? Zo wa laa atene na lo: “Mo sara sioni”?

Mbeti ti Job 40:2

Mo so mo yeke ke tënë na Nzapa so ngangu ti lo ahon angangu kue so, mo kpa ti gi tënë na lo? Mo so mo yeke *bingbi tënë na Nzapa so, mo yeke na mbeni tënë ti kiri na ni?

Mbeti ti Job 40:5

Mbi tene tënë fade awe, mbi yeke kiri tënë pepe; mbi tene tënë mingi awe, fadeso, mbi kai awe.

Mbeti ti Job 40:8

Mo ye biani ti fa so mbi fâ ngbanga na legeni pepe? Mo ye ti fa so mbi sara sioni si mo laa mo sara nzoni?

Mbeti ti Job 9:32

Nzapa ayeke zo tongana mbi pepe titene mbi kiri tënë na lo, titene mbi na lo, e gue legeoko na da ti ngbanga.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 29:16

So buba tënë ti nyen laa ala yeke tene so! Fade a yeke mu wasarango-ta ti lingbi na sese ti sarango na ta ni? Ye so zo asara, fade ye ni atene na zo ti sarango lo, atene: “Lo laa lo sara mbi pepe”? Fade ta ti sese atene na zo ti sarango lo, atene: “Lo hinga ndo pepe”?

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Jérémie 18:6

“Ala azo ti Israel, ye so wasarango-ta ayeke sara na ta ti lo so, mbi lingbi ti sara na ala tongaso pepe? So tënë ti yanga ti KOTA GBIA laa. Ala azo ti Israel, ala yeke na ya ti maboko ti mbi tongana ti so sese ti sarango na ta ayeke na ya ti maboko ti wasarango-ta.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Nzoni Tënë so Luc asu na mbeti 12:14

Jésus atene na lo: “Koli, zo wa laa amu mbi titene mbi fâ ngbanga na popo ti ala, ti kangbi ya ti aye ti ala?”

Rome 14:4

Mo yeke ti mo zo wa ti kasa zo ti kua ti mbeni zo nde? Ataa lo ngba na nduzu wala lo ti, so abaa gi wa ti lo. Fade lo yeke ngba na nduzu, ndali ti so *Kota Gbia ayeke na ngangu ti sara si lo ngba na nduzu.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 2:3

Mo so mo yeke fâ ngbanga na li ti azo so ayeke sara aye so si mo nga, mo yeke sara mara ti aye ni so, mo baa ti mo, mo tene, ngbanga ti Nzapa ayeke ti ande na li ti mo pepe?

Rome 9:21

Wasarango-ta alingbi ti sara ta tongana ti so be ti lo aye. Gi na oko potopoto ti sese ni, lo yeke sara ata use: mbeni ayeke ta ti matanga, mbeni ayeke ti sarango na ye lakue lakue.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

1 Korente 7:16

Mo wali so mo ma na be, mo hinga biani so mo yeke soo ande koli ti mo? Mo koli so mo ma na be, mo hinga biani so mo yeke soo ande wali ti mo?

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

2 Timothée 2:20

Na ya ti kota da, mo yeke wara gi asembe so a sara na lôro wala na wen ti nginza pepe; mo yeke wara nga asembe so a sara na keke wala na sese. Ambeni sembe ni ayeke asembe so a bata ni ndali ti alango ti matanga, ambeni ayeke ti sarango na ye lakue lakue.

Tite 2:9

Alingbi angbaa ama yanga ti awa ti ala na ya ti aye kue. Ala sara ye so anzere na be ti awa ti ala ni: ala *bingbi tënë na awa ti ala pepe,

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?