Rome 9:2 - Mbeti ti Nzapa - Tënë so amu fini

² mbi yeke na vundu mingi si be ti mbi ayeke so lakue.

Rome 9:2 ပူးပေါင်းရင်းမြစ်များ

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Ésaïe 66:10

Ala so kue aye Jérusalem, ala na lo aduti na ngia, ala dodo na ngia ndali ti lo. Ala so kue lani asara mua ndali ti ye ti vundu so asi na lo, ayeke nzoni be ti ala asi singo na ngia ndali ti lo.

Jérémie 13:17

Tongana ala ma tënë so pepe, mbi yeke toto na hondengo ni ndali ti baba ti ala so ahon ndö ni so. Ngu ti le ti mbi ayeke sua gbani gbani, ngbanga ti so a yeke gue na ataba ti KOTA GBIA na kodro wande.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 1:12

Ala ga abaa, ala azo so kue ayeke hon na lege so, ayeke nzoni amara ti ye tongaso asi na ala pepe! Pasi ti mbi alingbi na pasi ti mbeni zo-oo? Pasi so KOTA GBIA azia mbi na ya ni so ayeke ngangu mingi; KOTA GBIA azia pasi ni na tere ti mbi na lango so ngonzo ti lo alondo tongana wâ.

Abia ti demango tere 3:51

Akpale so ayeke si na amaseka-wali kue ti gbata ti mbi, tongana mbi baa ni, be ti mbi aye ti fâ.

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

Rome 9:3

Ti be ti mbi, mbi ye fade titene Nzapa adeba mbi si mbi wani, mbi kangbi na Christ ndali ti a-ita ti mbi so ayeke azo ti mara ti mbi.

Filipe 3:18

Mbi tene tënë so na ala lege mingi kozoni awe; laso mbi kiri ti tene na ala na ngu ti le: ambeni zo mingi ayeke daa so sarango ye ti ala afa so ala ke tënë ti keke ti kroa ti Christ awe.

Aye so Nzapa afa 11:3

Azo ti mbi use so ayeke tene taa-tënë na ndö ti mbi, ala so ayeke yu bongo ti mua so, fade mbi yeke mu lege na ala ti tene peko ti tënë ti yanga ti mbi na azo na ya ti lango saki oko ngbangbo use na baleomene.”

1 Samuel 15:35

Samuel akiri abaa Saul pepe ngbii si lo kui. Samuel asara mawa ndali ti Saul. Me ti KOTA GBIA, be ti lo aso, ngbanga ti so lo sara si Saul aga gbia ti Israel.