Rome 9:19 - Mbeti ti Nzapa - Tënë so amu fini

¹⁹ Fade mo yeke hunda mbi, mo tene: “So ye ni ayeke tongaso so, ngbanga ti nyen laa Nzapa angba ti bi tënë na li ti azo? Zo wa laa alingbi ti ke ye so be ti Nzapa aye?”

Rome 9:19 ပူးပေါင်းရင်းမြစ်များ

Tongo nda ti aye 50:20

Ti ala, ala leke na be ti ala ti sara sioni na mbi. Me Nzapa aleke na be ti lo ti sara si sioni ni so aga nzoni ye. Lo sara ni titene lo soo azo mingi na kuâ; ni laa asi laso so.

2 Mbai 20:6

Lo sambela, lo tene: “KOTA GBIA, Nzapa ti akotara ti e, mo laa mo yeke Nzapa na yayu, mo laa mo yeke na komandema na ndö ti akodro-gbia kue ti dunia! Mo yeke na ngangu, mo yeke na kota ngangu; zo oko alingbi ti luti na le ti mo pepe.

Mbeti ti Job 9:19

Alingbi mbi sara ngangu na lo si? Ngangu ti lo ahon ti mbi mingi. Fade mbi gue na ngbanga? Zo wa laa ayeke iri mbi na le ti ngbanga ni ti gbu koko ti mbi, zo wa?

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Ésaïe 29:16

So buba tënë ti nyen laa ala yeke tene so! Fade a yeke mu wasarango-ta ti lingbi na sese ti sarango na ta ni? Ye so zo asara, fade ye ni atene na zo ti sarango lo, atene: “Lo laa lo sara mbi pepe”? Fade ta ti sese atene na zo ti sarango lo, atene: “Lo hinga ndo pepe”?

Marc 14:21

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo. Me mawa na zo so ayeke ka Molenge ti Zo! Ti zo ni so, tongana a du lo fade pepe, ka ayeke nzoni mingi!”

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Rome 11:19

Fade mo yeke tene: “A fâ amaboko ti keke ni titene a gerefe mbi na ndö ti keke ni.”

1 Korente 15:12

So e yeke fa tënë, e tene, Christ azingo na kuâ awe so, asara tongana nyen si ambeni zo na popo ti ala ayeke tene akuâ ayeke zingo ande pepe so?

1 Korente 15:35

Fade mbeni zo ayeke hunda ndo, atene: “Fade akuâ ayeke zingo tongana nyen? Tere wa laa ala yeke duti na ni?”

Jacques 1:13

Tongana mbeni ye atara be ti zo, alingbi lo tene pepe: “Nzapa laa ayeke tara be ti mbi so”. Nzara ti sarango sioni ye ayeke gbu be ti Nzapa laoko pepe si Nzapa wani ayeke tara be ti zo oko pepe.

Jacques 2:18

Me fade mbeni zo ayeke tene: “Ti mo, mo yeke na mabe, ti mbi, mbi yeke sara akua!” Tongaso, mbi yeke kiri tënë na lo, mbi tene: “Fa na mbi lege so mabe ti mo alingbi ti duti daa, me mo yeke sara akua ni pepe so. Ti mbi, fade mbi yeke fa na mo mabe ti mbi na lege ti akua so mbi yeke sara.”