Rome 9:17 - Mbeti ti Nzapa - Tënë so amu fini

¹⁷ Na ya ti Mbeti ti Nzapa, Nzapa atene na Faraon: “Taa ye so mbi mu mo ti ga gbia ndali ni ayeke titene mbi fa ngangu ti mbi na lege ti mo si azo agonda iri ti mbi na ndö ti sese kue.”

Rome 9:17 ပူးပေါင်းရင်းမြစ်များ

Esther 4:14

Ataa mo ke ti zi yanga na ndö ti ye so asi na e fadeso, ye ti zingo azuife na ya ti mawa nga na ya ti kuâ ayeke londo ande na mbeni ndo nde. Me ti mo na sewa ti mo kue, fade ala yeke kui. Mbi hinga pepe, ndali ti zingo e na ya ti ye ti ngangu tongaso si mo ga wali ti gbia so!”

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Ésaïe 19:12

Gbia Faraon, azo ti ndara ti mo ni ayeke na ndo wa? Ye so KOTA GBIA so ayeke na ndö ti dunia kue aleke na be ti lo ti ga na ni na tere ti Ezipte so, ayeke nzoni ala fa ni na mo titene mo hinga!

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Daniel 4:22

Azo ayeke tumba mo na popo ti ala si mo yeke lango na popo ti anyama ti ngonda; a yeke mu na mo gi apere ti te tongana bagara. Fade ngu ti pere ayeke mu tere ti mo kue si mo yeke ngba tongaso na ya ti ngu mbarambara. Mo yeke ngba tongaso ngbii mo hinga, mo tene, Nzapa so ayeke na yayu kâ na ndö ti aye kue laa ayeke gbia na ndö ti kodro ti azo. Lo laa lo yeke zia zo so be ti lo aye na li ti kodro ni.

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Rome 11:4

Me tënë ti nyen laa Nzapa akiri na ni na lo? Nzapa atene: “Azo saki mbarambara ayeke daa, mbi bata ala ndali ti mbi wani, ala yeke azo so ake ti kuku na gbe ti nzapa *Baal.”

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Galasii 3:8

Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Galasii 4:30

Me tënë ti nyen laa Mbeti ti Nzapa atene? Mbeti ni atene: “Tumba wali so ayeke ngbaa so, lo na molenge ti lo kue! Biani, alingbi molenge ti wali so ayeke ngbaa so awara mosoro ti ya ti da legeoko pepe na molenge ti wali so ayeke ngbaa pepe so!”

Josué 9:9

Ala kiri tënë na lo, atene: “E azo ti kua ti mo, e londo na mbeni kodro yongoro mingi. E ga ndali ti so, e ma sango ti *KOTA GBIA, Nzapa ti mo. E ma nga tënë ti aye so kue lo sara na kodro ti Ezipte,

1 Samuel 4:8

Azo, e kui awe! Zo wa laa ayeke zi e na maboko ti ngangu Nzapa so? Nzapa so laa abi ando akpale nde nde na ndö ti azo ti Ezipte na ya ti benyama.