Rome 9:16 - Mbeti ti Nzapa - Tënë so amu fini

¹⁶ Nzapa ayeke sara nzoni be na zo ndali ti ye so zo ni wani aye pepe wala ndali ti ngangu so zo ni ayeke sara pepe, me Nzapa ayeke sara nzoni be na zo ndali ti so lo baa mawa ti lo.

Rome 9:16 ပူးပေါင်းရင်းမြစ်များ

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Ésaïe 65:1

*KOTA GBIA atene: “Azo so ahunda ye na mbi pepe, mbi zia lege na ala ti hunda mbi. Azo so agi mbi pepe, mbi zia lege na ala ti wara mbi; mbi tene: ‘Mbi laa, mbi laa!’ Me mbi tene tënë ni na mara so adi iri ti mbi pepe.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 4:8

Zabolo akiri ague na lo na li ti mbeni kota hoto, lo fa na lo akodro kue ti dunia na apendere ye ti ya ni

Nzoni Tënë so Luc asu na mbeti 10:21

Gi na ndembe ni so, be ti Jésus asi na ngia ti Yingo-Vuru si lo tene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde aye so na azo ti ndara nga na azo ti hingango ye si mo sigigi na nda ni na akete molenge. Biani Babâ, ye ni ayeke tongaso, ngbanga ti so mo yeda.

Jean 3:8

Pupu ayeke ya na ndo so be ti lo aye; mo yeke ma ni, me mo hinga ndo so alondo daa, wala ndo so ayeke gue daa pepe. Ye ni ayeke tongaso na azo so Yingo adu ala.”

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Efeze 2:8

Biani, ndali ti nzoni be ti Nzapa si ala soo kuâ, na lege ti mabe, mbeni ye so ala sara titene ala soo kuâ ndali ni ayeke daa pepe. Songo kuâ ayeke nzoni ye so lo mu na ala senge senge.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.