Rome 9:15 - Mbeti ti Nzapa - Tënë so amu fini

¹⁵ Biani, Nzapa atene na Moïse: “Fade mbi yeke baa mawa ti zo so mbi ye ti baa mawa ti lo, mbi yeke sara nzoni be na zo so mbi ye ti sara nzoni be na lo.”

Rome 9:15 ပူးပေါင်းရင်းမြစ်များ

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Rome 9:16

Nzapa ayeke sara nzoni be na zo ndali ti ye so zo ni wani aye pepe wala ndali ti ngangu so zo ni ayeke sara pepe, me Nzapa ayeke sara nzoni be na zo ndali ti so lo baa mawa ti lo.