Rome 9:1 - Mbeti ti Nzapa - Tënë so amu fini

¹ Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

Rome 9:1 ပူးပေါင်းရင်းမြစ်များ

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 2:15

Sarango ye ti ala afa so aye so Ndia ti Moïse ahunda ayeke na be ti ala. Be ti ala afa so ye ni ayeke tongaso, lege ti gbungo-li ti ala afa so ye ni ayeke nga tongaso. Lege ti gbungo-li ti ala ni ayeke fa na ala so ala sara sioni, na mbage ayeke gbu koko ti ala na ndö ti ye so ala sara.

Rome 8:16

Yingo-Vuru wani laa ayeke tene na yingo ti e, atene: e yeke amolenge ti Nzapa.

Rome 9:2

mbi yeke na vundu mingi si be ti mbi ayeke so lakue.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

2 Korente 11:10

Na lege ti taa-tënë ti Christ so ayeke na yanga ti mbi, mbi tene: fade mbeni zo alingbi ti kanga lege na mbi pepe ti gonda tere ti mbi na sese ti Akayi kue.

2 Korente 11:31

Nzapa, Babâ ti Kota Gbia Jésus ahinga so, mbi yeke tene mvene pepe. Gonda ayeke ti lo kpu na kpu!

2 Korente 12:19

Aninga mingi, ala baa ti ala atene, e yeke gi ti ga mbirimbiri na le ti ala? Oko pepe. Ndali ti gango so e ga oko na Christ, e yeke tene tënë so na le ti Nzapa. A-ita ti mbi so mbi ye ala mingi, ye so kue mbi sara so, mbi sara ni titene Eglize ti ala akpengba.

Galasii 1:20

Tënë so mbi su na mbeti na ala so ayeke taa-tënë: na le ti Nzapa, mbi yeke tene mvene pepe.

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

1 Timothée 5:21

Na le ti Nzapa, na le ti Jésus Christ, na le ti *a-ange so lo soro ala, mbi hunda na mo na ngangu ti sara aye so kue: mo mu mbage ti mbeni zo pepe, mo ye ambeni zo ahon ambeni pepe.