Rome 8:6 - Mbeti ti Nzapa - Tënë so amu fini

⁶ Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

Rome 8:6 ပူးပေါင်းရင်းမြစ်များ

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 17:5

Fadeso, Babâ, sara si mbi duti na gonda na ndo so mo yeke daa, gonda so mbi yeke na ni na tere ti mo kozoni si dunia so abaa gigi.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:10

Na ngoi so lani e yeke awato ti Nzapa, lo sara si songo akiri na popo ti e na lo na lege ti kuâ ti Molenge ti lo. Na ndö ti so kue, so songo akiri na popo ti e na lo awe, lo lingbi nga ti soo e na kuâ na lege ti fini ti Molenge ti lo.

Rome 6:21

Aye so ando ala yeke sara so, nzoni ye ti nyen laa ala wara daa? Fadeso aye ni asara ala kamene, ngbanga ti so ye ti peko ni ayeke gi kuâ!

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Rome 7:11

Biani, na lege ti tënë ti Ndia laa siokpari awara lege ti handa mbi si afâ mbi.

Rome 7:5

Biani, so ando e ngba ti sara ye so be ti e wani aye, asioni nzara ti be ti e awara ngangu na lege ti Ndia si ala yeke sara kua na ya ti tere ti e ti gue na e na kuâ.

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

Rome 8:27

Nzapa so ayeke baa ya ti be ti zo ahinga ye so Yingo aye. Biani, Yingo ayeke sambela ndali ti azo ti Nzapa na lege so Nzapa aye.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 6:8

Zo so alu ye ndali ti sioni nzara ti be ti lo, fade lo yeke ko lengo ti ye ti nzara ti be, so ti tene kuâ; me so zo alu ye ndali ti Yingo, fade lo yeke ko lengo ti ye ti Yingo, so ti tene fini so angba lakue lakue.