Rome 8:5 - Mbeti ti Nzapa - Tënë so amu fini

⁵ Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

Rome 8:5 ပူးပေါင်းရင်းမြစ်များ

Marc 8:33

Me Jésus abaa ndo na peko, lo baa adisiple ti lo si lo suku na Pierre, lo tene: “Satan, hon kâ na tere ti mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Jean 3:6

Zo ayeke du gi zo, Yingo ayeke du gi yingo.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 15:48

Azo ti sese ayeke gi tongana lo so Nzapa amu sese si asara na lo. Azo ti yayu ayeke gi tongana lo so alondo na yayu si aga.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

2 Korente 10:3

Taa-tënë, e yeke azo ti sese so, me e yeke tiri bira tongana ti azo ti sese so pepe.

Galasii 5:17

Biani, asioni nzara ti be ti zo ayeke tiri na aye so Yingo aye, aye so Yingo aye ayeke tiri na anzara ti be ti zo. Aye ti Yingo na anzara ti be ti zo ayeke ma tere pepe, so kue ayeke sara si ye so ala ye, ala lingbi ti sara ni pepe.

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

2 Pierre 2:10

Lo yeke fâ ande ngbanga kozoni na li ti azo so ayeke sara aye ti potopoto na lege ti nzara ti aye ti kirikiri so ayeke na be ti ala si ala baa komandema ti Nzapa tongana buba ye na le ti ala. Awafango-ye ti mvene so abaa tere ti ala tongana azo so alingbi awe; baba ahon ndö ti ala, ayingo ti yayu so ayeke na gonda, azo ni akpe mbeto ti ala pepe si ala yeke zonga ala.