Rome 8:38 - Mbeti ti Nzapa - Tënë so amu fini

³⁸ Biani, mbi hinga so mbeni ye ti kangbi e na ndoye ti Christ ayeke daa pepe: ataa kuâ, ataa fini, ataa *a-ange, ataa angangu yingo so ayeke sara komandema, ataa aye ti fadeso, ataa aye ti kekereke,

Rome 8:38 ပူးပေါင်းရင်းမြစ်များ

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Rome 14:7

Biani, zo oko na popo ti e ayeke duti na fini gi ndali ti lo wani pepe, zo oko na popo ti e ayeke kui gi ndali ti lo wani pepe.

Rome 14:8

Tongana e ngba na fini, e ngba ndali ti Kota Gbia; tongana e kui, e kui nga ndali ti Kota Gbia. Tongaso, ataa e ngba na fini wala e kui, e yeke azo ti Kota Gbia.

Rome 4:21

Lo hinga biani na be ti lo so Nzapa ayeke na ngangu ti sara ye alingbi na zendo ti lo.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

1 Korente 15:24

Na peko ti so Christ akinda ngangu ti ayingo so kue ayeke na komandema awe, fade aye kue ayeke si na ndani si Christ ayeke kiri na mbata ti gbia ni na Nzapa Babâ.

2 Korente 11:14

So ayeke mbeni fini ye pepe: Satan wani ayeke sara tere ti lo tongana *ange ti lumiere.

2 Korente 4:13

Mbeti ti Nzapa atene: “Mbi yeke tene tënë, ngbanga ti so mbi ma na be.” Tënë ti be ti e ayeke oko na ti zo so atene tënë so, nilaa e nga, e ma na be si e yeke tene tënë so.

Efeze 1:21

Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

Kolose 1:16

Na lege ti lo, Nzapa asara aye so kue ayeke na yayu na aye so kue ayeke na sese, aye so zo ayeke baa na aye so zo ayeke baa pepe, ayingo so aduti gbia, ala so ayeke makonzi na ala so ayeke na komandema. Nzapa asara aye kue na lege ti Christ, ndali ti Christ.

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

Ahebro 11:13

Azo so kue angba na lege ti mabe si ala kui. Aye so Nzapa amu zendo ni, ala wara ni pepe, me ala ngba yongoro, ala baa ni bango si ala bara ni. Ala hinga biani atene, ala yeke awande, azo ti lege senge na ndö ti sese so.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.