Rome 8:31 - Mbeti ti Nzapa - Tënë so amu fini

³¹ Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Rome 8:31 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

1 Agbia 8:57

Fadeso, ayeke nzoni KOTA GBIA, Nzapa ti e aduti na e tongana ti so lo duti ando na akotara ti e! Ayeke nzoni lo zia e pepe, lo girisa e pepe.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

1 Mbai 19:15

So azo ti Amon abaa so azo ti Sirii akpe awe, ala nga, ala kpe na dawa ti Abishai, ita ti Yoab. Ala kiri na ya ti gbata ti ala; Yoab akiri ti lo na Jérusalem.

1 Mbai 5:22

Ala fâ awato ti ala mingi, ngbanga ti so bira ni ayeke ti Nzapa. Ala sara kodro na sese ti azo ti mara ti Hagri, ala duti na ndo ni ngbii asi na ngoi so a gbu ala a gue na ala na kodro wande.

Abia (Psaumes) 118:6

KOTA GBIA ayeke na mbage ti mbi, mbeto ayeke sara mbi pepe. Nyen laa zo alingbi ti sara na mbi, nyen?

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Abia (Psaumes) 56:11

Mbi yeke gonda Nzapa ndali ti tënë ti lo; mbi yeke gonda KOTA GBIA ndali ti tënë ti lo;

Abia (Psaumes) 56:4

Na lango so mbeto asara mbi, mbi yeke zia be ti mbi na ndö ti mo.

Abia (Psaumes) 56:9

So mbi kpe fani mingi ti hon so, mo diko wungo ni kue awe; mo bongbi ngu ti le ti mbi na ya ti ngbenda ti mo. A su aye so kue na ya ti mbeti ti mo pepe?

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Rome 3:5

Me so sarango ye ti kirikiri ti e asara si mbirimbiri ti Nzapa asigigi na le ti azo kue so, mbeni tënë ti tenengo ni ayeke daa? Nzapa ayeke kirikiri, ngbanga ti so lo yeke pika e na ngonzo ti lo? (Mbi tene tënë so tongana ti so azo ayeke tene.)

Rome 4:1

Tongaso, fade e yeke tene nyen ndali ti kotara ti e Abraham na lege ti dutingo ti lo ti zo? Nyen laa lo wara, nyen?

Ndia ti fani use ni 33:29

Ti ala nzoni, ala azo ti Israel! Mara wa laa alingbi na ti ala? Mara ti ala oko laa KOTA GBIA asoo ni. KOTA GBIA ayeke *vala ti batango ala, lo yeke ye ti bira so asara si ala so benda. Fade awato ti ala ayeke handa ala na lege ti mayere, me ala, azo ti Israel, ala yeke do awato ni na gbe ti gere ti ala.”

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”