Rome 8:24 - Mbeti ti Nzapa - Tënë so amu fini

²⁴ Andaa Nzapa asoo e na kuâ awe gi na lege so e zia be ti e ti ku ye so lo mu na e. Me ye so zo azia be ti lo ti ku ni, tongana lo baa ni awe, lo lingbi ti kiri ti zia be ti lo ti ku ni pepe. Tongana zo abaa ye awe, fade lo yeke kiri ti zia be ti lo ti ku ni?

Rome 8:24 ပူးပေါင်းရင်းမြစ်များ

Abia (Psaumes) 146:5

Ti lo nzoni, zo so Nzapa ti Jacob ayeke mu maboko na lo si lo zia be ti lo ti ku KOTA GBIA, Nzapa ti lo!

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 33:22

KOTA GBIA, e zia be ti e ti ku mo; ayeke nzoni, nzoni be ti mo angba na ndö ti e.

Amato 14:32

Zo ti sioni ayeke ti ndali ti sioni sarango ye ti lo; ti zo ti mbirimbiri, ataa lo gue ti kui, be ti lo awoko pepe.

Jérémie 17:7

Me tufa aga na ndö ti zo so azia be ti lo na ndö ti mbi, KOTA GBIA si zo ni ayeke gi titene mbi bata lo.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 15:4

Atënë so kue a su ando na ya ti Mbeti ti Nzapa, a su ni titene e hinga ye na lege ni. Mbeti ti Nzapa ayeke mu na e lege ti kanga be ti e, ti mu ngangu na be ti e si e zia be ti e ti ku ye so Nzapa atene tënë ni.

Rome 4:18

Abraham azia be ti lo kue ti ku, ataa so mbeni ye titene lo zia be ti lo ti ku ni ayeke daa pepe. Lo ma na be si lo ga “Kotara ti gba ti amara.” Ye ni asi alingbi na tënë so Mbeti ti Nzapa atene: “Fade ahale ti mo ayeke ga mingi mingi tongaso.”

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

Rome 8:20

Andaa aye ni ati na gbe ti buba ye awe. Aye ni wani laa ayeda ti ti pepe, Nzapa laa azia ala titene ala ti. Me aye ni angba lakue ti ku,

1 Korente 13:13

Fadeso, aye ota so ayeke ngba: mabe, ziango be ti ku ye na ndoye; me ndoye ayeke kota ahon atanga ni kue.

2 Korente 4:18

Ye so le ti zo ayeke baa, ni laa e yeke gi pepe, me e yeke gi ye so le ti zo ayeke baa ni pepe. Ye so le ti zo ayeke baa ayeke gi ndali ti kete ngoi, me ye so le ti zo ayeke baa pepe, ni laa ayeke ngba lakue lakue.

2 Korente 5:7

– E yeke duti na fini na lege ti mabe, me na lege ti ye so e yeke baa pepe –.

Galasii 5:5

Ti e, e yeke zia be ti e ti ku titene Nzapa wani asara si e ga mbirimbiri na le ti lo. Yingo ti Nzapa laa ayeke sara titene e yeke ku ye ni na lege ti mabe.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 1:5

Na ndembe so taa-tënë so ayeke Nzoni Tënë asi kozoni na popo ti ala, na ya ti tënë ni, ala ma tënë ti ye so ala zia be ti ala ti ku na yayu. Ye so ala zia be ti ala ti ku asara si ala zia be ti ala na ndö ti Jésus Christ si ala ye azo ti Nzapa.

1 Tesalonike 5:8

Me e so e yeke azo ti kota lâ, alingbi e sara ye ahon ndoni pepe, me na legeni. Alingbi mabe na ndoye aga tongana kazaka ti wen so e yeke yu na kate ti e, ye so e zia be ti e ti ku ti soo kuâ aga tongana kpoto ti wen na li ti e.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

Tite 3:7

Tongaso, na lege ti nzoni be ti lo, e ga mbirimbiri na le ti Nzapa si e wara nga fini so angba lakue lakue so e zia be ti e ti ku ni.

Ahebro 11:1

Mabe ayeke sara titene ye so zo azia be ti lo ti ku ni, lo hinga lo tene, lo wara ni awe. Mabe ayeke sara nga titene ye so le ti zo abaa pepe, lo hinga lo tene, ye ni ayeke daa biani.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.