Rome 8:22 - Mbeti ti Nzapa - Tënë so amu fini

²² Biani, e hinga so laso, aye ti dunia so kue Nzapa asara ayeke baa pasi si ala yeke dema tongana wali so ayeke du molenge.

Rome 8:22 ပူးပေါင်းရင်းမြစ်များ

Abia (Psaumes) 48:6

Gi so ala baa KOTA GBIA awe, be ti ala ado, mbeto agbu ala ahon ndoni si ala kpe kirikiri.

Jérémie 12:11

Biani, ala sara si yaka ni aga ngonda. Na le ti mbi, yaka ni ayeke na mua; kodro ni kue aga ngonda, me tënë ni agbu be ti zo oko pepe.”

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Awayango-sandaga 26:35

Na ndembe so ala yeke lango lani na ya ti kodro ni, sese awu tere ti lo pepe. Me na ngoi so kue sese ni aga ngonda, sese ni ayeke wu tere ti lo.

Marc 16:15

Na pekoni, lo tene na ala: “Ala gue na ndö ti dunia kue, ala fa Nzoni Tënë na azo kue.

Jean 16:21

Tongana ngbonga ti dungo ti wali aga nduru, lo yeke na vundu, ngbanga ti so lango ti pasi ti lo asi awe. Me tongana lo du molenge ni awe, lo girisa pasi ti lo; be ti lo ayeke na ngia, ngbanga ti so lo du molenge na sese awe.

Rome 8:20

Andaa aye ni ati na gbe ti buba ye awe. Aye ni wani laa ayeda ti ti pepe, Nzapa laa azia ala titene ala ti. Me aye ni angba lakue ti ku,

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Aye so Nzapa afa 12:2

Wali ni ayeke na ngo, lo ga nduru ti du molenge awe si lo yeke toto, lo yeke baa pasi na songo ya ti dungo ni.