Rome 8:21 - Mbeti ti Nzapa - Tënë so amu fini

²¹ ngbanga ti so fade a yeke zi ala na gbe ti ye so ayeke sara ala na ngbaa si ayeke buba ala so. Tongaso ala yeke li na ya ti gonda so ayeke ti amolenge ti Nzapa so asigigi na gbe ti ngbaa.

Rome 8:21 ပူးပေါင်းရင်းမြစ်များ

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

1 Korente 15:42

Fade ye ni ayeke duti tongaso na zingongo ti akuâ. Tere so a lu ni, ayeke tere so ayeke buba; tere so a zingo ni na kuâ, ayeke kiri ti buba pepe.

Ahebro 12:27

Tënë ti yanga ti Nzapa so atene: “Fade mbi yeke kiri” so aye ti fa atene, aye so kue lo leke ni alingbi ti yingi si fade ayeke hon; me aye so alingbi ti yingi pepe, ni laa ayeke ngba.

2 Pierre 3:13

Me e yeke ku fini yayu na fini sese so Nzapa amu zendo ni; fade sarango ye ti mbirimbiri laa ayeke duti kâ.

Aye so Nzapa afa 21:1

Na pekoni, mbi baa fini yayu na fini sese. Kozo yayu na kozo sese ahon awe si kota ngu-ingo ayeke daa mbeni pepe.