Rome 8:15 - Mbeti ti Nzapa - Tënë so amu fini

¹⁵ Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Rome 8:15 ပူးပေါင်းရင်းမြစ်များ

Sigingo 20:19

Ala tene na Moïse: “Mo wani, mo tene tënë na e si e ma. Me e ye titene Nzapa atene tënë na e pepe, tongaso pepe e yeke kui.”

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Wungo ti azo 17:12

Aaron amu kete ta ti zongo na dukani tongana ti so Moïse atene na lo. Lo kpe hio, lo gue na popo ti azo ni; andaa kobela ti bubango kodro ato nda ti fango ala awe. Aaron azö dukani ni si lo sara ye so afa atene, KOTA GBIA azi siokpari na li ti ala awe.

Matthieu 25:25

Mbeto agbu mbi si mbi gue, mbi honde nginza ti mo na ya ti sese. Baa, nginza ti mo laa.’

Marc 14:36

Lo sambela, lo tene: “Babâ ti mbi, mo lingbi ti sara ye kue; mo zi kopo ti pasi so na tere ti mbi. Mbi ye pepe titene mo sara ye so be ti mbi aye, me mo sara gi ye so be ti mo aye.”

Nzoni Tënë so Luc asu na mbeti 11:2

Lo tene na ala: “Tongana ala yeke sambela, ala tene: Babâ, ayeke nzoni azo ane iri ti mo so ayeke nde si ayeke nzoni kue; ga, mo le-gbia na ndö ti azo.

Nzoni Tënë so Luc asu na mbeti 22:42

lo tene: “Babâ, tongana mo ye, ayeke nzoni mo zi kopo ti pasi so na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.” [

Nzoni Tënë so Luc asu na mbeti 8:28

So lo baa Jésus, lo dekongo, lo ti na gbe ti lo si lo tene tënë na kota go, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi gbu gere ti mo, sara sioni na mbi pepe!”

Nzoni Tënë so Luc asu na mbeti 8:37

Azo ti sese ti Zeraza kue ahunda na Jésus ti londo na ndo ti ala ti hon, ngbanga ti so kota mbeto agbu ala mingi. Jésus ako na ya ti ngo si lo kiri.

Jean 16:8

Tongana lo ga, fade lo yeke fa na azo ti dunia so atene, ala yeke handa tere ti ala na ndö ti tënë ti siokpari, na ndö ti tënë ti ye ti mbirimbiri nga na ndö ti tënë ti fango ngbanga ti Nzapa.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 16:29

Tongaso wabatango da ti kanga ni ahunda wâ. Lo li na loro si lo ti na gbe ti Paul na Silas, tere ti lo ayeke do.

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Rome 8:16

Yingo-Vuru wani laa ayeke tene na yingo ti e, atene: e yeke amolenge ti Nzapa.

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

Rome 8:26

Yingo-Vuru nga ayeke mu maboko na e, e so e de ti kpengba pepe so. Biani, e hinga ti sambela na legeni pepe, me Yingo wani ayeke sambela ndali ti e, lo yeke dema na lege ti atënë so zo alingbi ti tene pepe.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

1 Korente 2:12

Ti e, Yingo so e wara ayeke yingo ti dunia so pepe, me ayeke Yingo so alondo na Nzapa titene e hinga anzoni ye so Nzapa ayeke mu na azo na lege ti nzoni be ti lo.

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Efeze 1:5

Nzapa aleke na be ti lo kozoni ti sara si e ga amolenge ti lo na lege ti Jésus Christ. Na lege ti nzoni be ti lo, ye so lo ye ti sara laa.

2 Timothée 1:7

Biani, Yingo so Nzapa amu na e ayeke Yingo ti mbeto pepe, me ayeke Yingo ti ngangu, ti mabe na ti kangango nzara ti tere.

Ahebro 2:15

Azo so lani mbeto ti kuâ ayeke sara ala si ala ga tongana angbaa na gigi ti ala kue, na lege ti kuâ ti lo, lo zi ala awe.

Jacques 2:19

Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.

1 Jean 4:18

Ndo so ndoye ayeke daa, mbeto ayeke daa pepe; ndoye so alingbi kue ayeke tumba mbeto. Zo ayeke na mbeto, ngbanga ti so lo hinga atene, ngbanga ayeke ku lo. Zo so ayeke na mbeto, ndoye so alingbi kue, lo de ti hinga ni pepe.