Rome 8:14 - Mbeti ti Nzapa - Tënë so amu fini

¹⁴ Biani, azo so Yingo ti Nzapa ayeke fa lege na ala, ala yeke amolenge ti Nzapa.

Rome 8:14 ပူးပေါင်းရင်းမြစ်များ

Abia (Psaumes) 143:10

Fa na mbi lege ti sara ye so be ti mo aye, ngbanga ti so mo yeke Nzapa ti mbi. Ayeke nzoni yingo ti mo so ayeke nzoni afa na mbi lege so ague na sese so a leke ni nzoni.

Amato 8:20

Mbi yeke tambula na ndö ti lege ti mbirimbiri, na ndö ti lege so alingbi na ndia.

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Rome 8:19

Aye so kue Nzapa asara ayeke na nzara mingi ti ku ti baa amolenge ti Nzapa so lo yeke fa ande ala polele.

Rome 8:5

Biani, azo so ayeke sara ye alingbi na asioni nzara ti be ti ala, be ti ala kue ayeke gi na ndö ni; me ala so ayeke sara ye alingbi na ye so Yingo aye, be ti ala kue ayeke gi na ndö ti aye ti Yingo.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

Rome 9:26

Na ndo so a tene ando na ala, atene: ‘ala yeke azo ti mbi pepe’, gi na ndo ni so laa a yeke iri ala amolenge ti Nzapa so ayeke na fini.”

Rome 9:8

So ti tene: amolenge so Abraham adu ala tongana ti so azo kue ayeke du laa ayeke amolenge ti Nzapa pepe. Me gi ala so a du ala alingbi na zendo ti Nzapa laa ayeke taa ahale ti lo.

2 Korente 6:18

Kota Gbia so ngangu ti lo ahon angangu kue atene: “Mbi yeke duti Babâ ti ala si ala yeke duti amolenge ti mbi ti koli na ti wali.”

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:5

titene lo zi azo so ayeke na gbe ti ngangu ti Ndia ni si e kue, e ga amolenge ti Nzapa.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Galasii 5:18

Me tongana Yingo ti Nzapa laa afa lege na ala, ala yeke na gbe ti *Ndia mbeni pepe.

Efeze 1:5

Nzapa aleke na be ti lo kozoni ti sara si e ga amolenge ti lo na lege ti Jésus Christ. Na lege ti nzoni be ti lo, ye so lo ye ti sara laa.

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

Aye so Nzapa afa 21:7

Zo so aso benda, fade mbi yeke mu aye so na lo; mbi yeke duti Nzapa ti lo si lo yeke duti molenge ti mbi.