Rome 8:1 - Mbeti ti Nzapa - Tënë so amu fini

¹ Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:1 ပူးပေါင်းရင်းမြစ်များ

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ezekiel 18:9

Lo yeke tambula alingbi na atënë ti ndia ti mbi, lo yeke sara ye alingbi na aye so mbi fa; sarango ye ti lo alingbi na lege ti taa-tënë. Lo yeke zo ti mbirimbiri; fade lo yeke duti na fini biani. So tënë ti yanga ti Kota Gbia NZAPA laa.

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 15:4

Ala duti oko na mbi si mbi nga, mbi duti oko na ala. Maboko ti keke ayeke le ka gi lo oko pepe, lo yeke le gi tongana lo duti na tere ti keke ni. Nilaa ala nga, tongana ala duti oko na mbi pepe, ala lingbi ti le pepe.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Rome 16:3

Ala bara na mbi Priscille na Akilas, amba ti mbi so mbi na ala, e yeke sara kua ti Jésus Christ.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:16

Ye so Nzapa amu na zo senge senge ayeke nga nde na ye so asi na peko ti siokpari ti zo oko. Biani, na peko ti siokpari ti zo oko, Nzapa afâ ngbanga na li ti azo kue; me na peko ti aye ti kirikiri mingi so azo asara, Nzapa asara nzoni be si lo mu lege na azo ni ti ga mbirimbiri na le ti lo.

Rome 7:17

Mbi laa mbi yeke sara ye so pepe, me siokpari so aduti na ya ti mbi laa ayeke sara ni.

Rome 7:20

Tongana mbi sara ye so mbi ye pepe, so ti fa atene, siokpari so ayeke duti na ya ti mbi laa ayeke sara ni, me mbi pepe.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 8:14

Biani, azo so Yingo ti Nzapa ayeke fa lege na ala, ala yeke amolenge ti Nzapa.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

Rome 8:39

ataa angangu ti nduzu, ataa angangu ti gbe ti sese, ataa mbeni ye oko so Nzapa asara, mbeni ye oko alingbi ti kangbi e pepe na ndoye so Nzapa afa na e na lege ti Jésus Christ, *Kota Gbia ti e.

Rome 8:4

Nzapa asara ye so titene e sara ye ti mbirimbiri so Ndia ahunda na e na ngangu ti sara; e so e yeke sara ye alingbi na asioni nzara ti be ti e mbeni pepe, me alingbi na ye so Yingo aye.

Rome 8:9

Ti ala, ala yeke sara ye alingbi na asioni nzara ti be ti ala pepe, me ala yeke sara ye alingbi na ye so Yingo aye, ngbanga ti so Yingo ti Nzapa ayeke duti na be ti ala. Tongana zo ayeke na Yingo ti Christ pepe, lo yeke zo ti Christ pepe.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 15:22

Tongana ti so azo kue ayeke kui ndali ti so ala yeke oko na Adam, legeoko nga fade azo kue ayeke wara lege ti duti na fini ndali ti gango so ala ga oko na Christ.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Galasii 5:25

Yingo laa asara si e duti na fini, nilaa ayeke nzoni e mu lege na lo ti fa lege na fini ti e.

Efeze 1:1

Mbi Paul, mbi yeke *watokua ti Jésus Christ na lege so be ti Nzapa aye; mbi tokua mbeti so na azo ti Nzapa so ayeke na gbata ti Efeze, ala so ama na be na Jésus Christ si ala ga oko na lo.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.