Rome 7:7 - Mbeti ti Nzapa - Tënë so amu fini

⁷ Tongaso, fade e yeke tene nyen? *Ndia ayeke siokpari? Oko pepe! Me Ndia afa na mbi ti hinga ye so ayeke siokpari. Ndia atene: “Mo sara nzara ti ye ti zo pepe.” Tongana ndia atene fade tënë na ndö ti sarango nzara ti ye ti zo pepe, ka mbi hinga ni pepe.

Rome 7:7 ပူးပေါင်းရင်းမြစ်များ

Tongo nda ti aye 3:6

Wali ni abaa so ale ti keke ni ayeke nzoni titene zo ate ni; ayeke pendere titene zo abaa ni si ayeke nzoni ti sara si zo ahinga ndo. Lo mu mbeni le ni, lo te, lo mu nga na koli ti lo so ayeke na tere ti lo si lo kue, lo te ni.

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Abia (Psaumes) 119:96

Aye so kue ayeke nzoni, mbi baa so nzoni ni ayeke gue ngbii ahunzi, me atënë ti ndia ti mo ayeke si na ndani pepe.

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

Mishe 2:2

Tongana ala sara nzara ti ayaka ti azo, ala yeke mu ni; tongana ala sara nzara ti ada ti azo, ala yeke mu ni na maboko ti azo ni. Ala yeke sara ngangu na wa ti da nga na azo ti da ti lo, ala yeke gbu na ngangu aye ti azo ti da ni.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Nzoni Tënë so Luc asu na mbeti 12:15

Na pekoni, Jésus atene na ala: “Ala sara hange! Ala sara si kota nzara ti warango aye asara ala pepe, ngbanga ti so tongana zo ayeke na aye mingi, aye ti lo ni laa alingbi ti bata fini ti lo pepe.”

Nzoni Tënë so Luc asu na mbeti 20:16

Fade lo yeke ga ti fâ azo ti fango yaka so si lo yeke mu yaka ni na ambeni zo nde.” So azo ni ama tënë so, ala tene: “Ye ni ayeke si oko pepe!”

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

Rome 13:9

Biani, atënë ti ndia atene: “Mo gi wali wala koli ti zo pepe, mo fâ zo pepe, mo nzi pepe, mo sara nzara ti ye ti zo pepe.” Andaa atënë ti ndia so na atanga ni kue abongbi oko na ya ti tënë oko so atene: “Mo ye mba ti mo zo tongana ti so mo ye tere ti mo wani.”

Rome 3:20

Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 3:5

Me so sarango ye ti kirikiri ti e asara si mbirimbiri ti Nzapa asigigi na le ti azo kue so, mbeni tënë ti tenengo ni ayeke daa? Nzapa ayeke kirikiri, ngbanga ti so lo yeke pika e na ngonzo ti lo? (Mbi tene tënë so tongana ti so azo ayeke tene.)

Rome 4:1

Tongaso, fade e yeke tene nyen ndali ti kotara ti e Abraham na lege ti dutingo ti lo ti zo? Nyen laa lo wara, nyen?

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 6:15

Nyen? So e sigigi na gbe ti *Ndia awe si e yeke na gbe ti nzoni be ti Nzapa so, so laa ayeke mu lege na e ti sara siokpari? Oko pepe!

Rome 7:11

Biani, na lege ti tënë ti Ndia laa siokpari awara lege ti handa mbi si afâ mbi.

Rome 7:13

Ye so ayeke ye ti nzoni, akiri aga ye ti fango mbi? Oko pepe! Me siokpari laa afâ mbi: siokpari amu ye so ayeke nzoni ti fâ mbi na ni, ti fa so lo yeke siokpari biani, nilaa na lege ti tënë ti ndia, siokpari afa so lo yeke taa ye ti sioni biani.

Rome 7:5

Biani, so ando e ngba ti sara ye so be ti e wani aye, asioni nzara ti be ti e awara ngangu na lege ti Ndia si ala yeke sara kua na ya ti tere ti e ti gue na e na kuâ.

Rome 7:8

Me siokpari awara lege ti zia nzara ti asioni ye nde nde na be ti mbi na lege ti ndia so, nilaa tongana ndia ayeke daa pepe, siokpari ayeke ye so akui awe.

1 Korente 15:56

Ye so kuâ ayeke fâ azo na ni ayeke siokpari; ye so amu ngangu na siokpari ayeke ndia.

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

Ndia ti fani use ni 5:21

“Alingbi mo sara nzara ti wali ti mba ti mo pepe; mo sara nzara ti ye so mba ti mo ayeke na ni pepe, ataa yaka ti lo, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo.”

Kolose 3:5

Tongaso, ala zi anzara ti sarango asioni ye ti dunia so na be ti ala: sarango ye ti ndumba, sarango ye ti kamene, nzara ti tere, nzara ti sarango asioni ye nga na kota nzara ti warango ye; so ayeke mbeni lege ti vorongo anzapa nde.

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Josué 7:21

Na ya ti aye so e gbu na peko ti bira ni, mbi baa mbeni kota bongo ti zo ti kodro ti Shinear, so ayeke pendere ahon ndoni, na ale ti nginza ngbangbo use, na mbeni ngbongboro lôro so nengo ni ayeke ndambo ti kilo oko. Mbi sara nzara ni si mbi mu ni. Mbi honde ni na gbe ti sese, na ya ti da ti mbi ti bongo si mbi zia wen ti nginza ni na gbe ni.”