Rome 7:24 - Mbeti ti Nzapa - Tënë so amu fini

²⁴ So mawa na mbi! Zo wa laa ayeke zi ande mbi na ya ti tere so ayeke gue na mbi na kuâ so?

Rome 7:24 ပူးပေါင်းရင်းမြစ်များ

1 Agbia 8:38

tongana mbeni zo, wala azo ti Israel so kue ayeke azo ti mo, tongana zo oko oko ahinga sioni ti lo nga na pasi so lo yeke baa, tongana lo sambela mo, lo voro tere ti lo na mo si lo yoro maboko ti lo na mbage ti kota da so ti sambela mo,

Abia (Psaumes) 102:20

Na nduzu kâ, na ndo ti lo so ayeke nde si ayeke nzoni kue, KOTA GBIA aba tere ti lo ti baa ndo na ndö ti sese. Na yayu kâ, lo baa ndo na sese

Abia (Psaumes) 119:131

Tongana ti so zo ayeke na nzara si lo zi yanga ti lo kota, nzara ti atënë ti ndia ti mo asara mbi mingi.

Abia (Psaumes) 119:143

Ye ti ngangu asi na mbi si mbeto agbu mbi, me atënë ti ndia ti mo laa anzere na mbi mingi.

Abia (Psaumes) 119:176

Mbi gue kirikiri tongana taba so agirisa; ayeke nzoni mo gi mbi, zo ti kua ti mo, ngbanga ti so mbi girisa atënë ti ndia ti mo pepe.

Abia (Psaumes) 119:20

Na ngoi kue, nzara ti atënë ti fango ngbanga ti mo asara mbi mingi.

Abia (Psaumes) 38:2

*KOTA GBIA, mo pika mbi, me na ngonzo pepe, mo suku na mbi, me na ngonzo ti wâ pepe.

Abia (Psaumes) 6:6

Zo so akui awe, lo lingbi ti dabe ti lo na mo? Na ndo ti akuâ, zo wa laa alingbi ti mu singila na mo, zo wa?

Abia (Psaumes) 71:11

Ala yeke tene: “Nzapa azia lo awe, ala tumba peko ti lo, ala gbu lo; mbeni zo ti zi lo ayeke daa pepe!”

Abia (Psaumes) 72:12

Biani, zo ti mawa so ayeke toto na gbia ni, gbia ni ayeke zi lo na ya ti pasi, zo ti mawa so mbeni zo ti mu maboko na lo ayeke daa pepe, gbia ni ayeke mu maboko na lo.

Abia (Psaumes) 88:5

A diko mbi na popo ti azo so aga nduru na kuâ awe, ngangu ti mbi kue ahunzi awe.

Ezekiel 9:4

lo tene na lo: “Mo tambula na ya ti gbata ti Jérusalem kue. Ambeni zo ayeke na ya ti gbata ni so ayeke dema si ayeke toto ndali ti asioni ye so azo ayeke sara na ya ti gbata ni si zo alingbi ti baa na le ti lo fani use pepe so. Fade mo yeke su mbeni nzoroko na ndö ti le ti ala.”

Mishe 7:19

Fade mo yeke kiri ti baa mawa ti e, mo yeke do asiokpari ti e na gbe ti gere ti mo, mo yeke tuku asioni ti e kue na gbe ti kota ngu-ingo.

Matthieu 5:4

Ti ala nzoni, ala so ayeke na vundu, ngbanga ti so Nzapa ayeke zi ande vundu ti ala!

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Rome 8:23

Gi aye ti dunia oko pepe si ayeke dema: e so e wara Yingo tongana kozo nzoni ye so Nzapa amu na e, e nga, e yeke dema na ya ti be ti e ti ku titene Nzapa asara si e ga amolenge ti lo, so ti tene lo zi e na gbe ti ngbaa, e na tere ti e kue.

Rome 8:26

Yingo-Vuru nga ayeke mu maboko na e, e so e de ti kpengba pepe so. Biani, e hinga ti sambela na legeni pepe, me Yingo wani ayeke sambela ndali ti e, lo yeke dema na lege ti atënë so zo alingbi ti tene pepe.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 2:15

Azo so lani mbeto ti kuâ ayeke sara ala si ala ga tongana angbaa na gigi ti ala kue, na lege ti kuâ ti lo, lo zi ala awe.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”