Rome 7:23 - Mbeti ti Nzapa - Tënë so amu fini

²³ Me mbi baa na ya ti tere ti mbi, mbeni ndia nde ayeke daa: ndia ni ayeke tiri na mbeni ndia so gbungo-li ti mbi ayeda na ni. Ndia ni asara si mbi ga ngbaa ti siokpari so ayeke na ya ti tere ti mbi.

Rome 7:23 ပူးပေါင်းရင်းမြစ်များ

Abia (Psaumes) 142:7

Dingi mê ti mo, mo ma dekongo ti mbi, ngbanga ti so mbi woko kue awe. Zi mbi na maboko ti azo so ayeke tumba peko ti mbi, ngbanga ti so ala yeke ngangu ahon mbi.

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

Rome 6:19

Mbi yeke mu tapande ti dutingo ti azo ndali ti so hingango ndo ti ala ayeke ngangu. Ando, ala mu tere ti ala na ngbaa ti sara na aye ti kamene na aye ti kirikiri, aye so asara si ala ke yanga ti Nzapa. Legeoko nga, fadeso, alingbi ala mu nga tere ti ala na ngbaa ti sara aye ti mbirimbiri, so ayeke sara si fini ti ala aduti nde ndali ti Nzapa.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Rome 7:21

Tongaso, mbi baa so mbeni ndia ayeke daa: tongana mbi ye ti sara ye ti nzoni, sioni ye laa ayeke ku mbi kungo titene mbi sara ni.

Rome 7:25

Mbi mu singila na Nzapa na iri ti Jésus Christ, Kota Gbia ti e! Tongaso, lege so mbi yeke duti na ni ayeke so: na lege ti gbungo-li ti mbi, mbi ga ngbaa ti Ndia ti Nzapa si na lege ti dutingo ti mbi ti zo, mbi ga ngbaa ti ndia ti siokpari.

Rome 7:5

Biani, so ando e ngba ti sara ye so be ti e wani aye, asioni nzara ti be ti e awara ngangu na lege ti Ndia si ala yeke sara kua na ya ti tere ti e ti gue na e na kuâ.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Galasii 5:17

Biani, asioni nzara ti be ti zo ayeke tiri na aye so Yingo aye, aye so Yingo aye ayeke tiri na anzara ti be ti zo. Aye ti Yingo na anzara ti be ti zo ayeke ma tere pepe, so kue ayeke sara si ye so ala ye, ala lingbi ti sara ni pepe.

Ahebro 12:4

Bira so ala yeke tiri na siokpari so, ala de ti gbu le ni ngbii mene ti ala atuku ndali ni pepe.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

Jacques 4:1

Atiri na apapa so ayeke na popo ti ala so alondo na ndo wa? Alondo gi na lege ti anzara ti be ti ala so ayeke tiri lakue na ya ti tere ti ala.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.