Rome 7:21 - Mbeti ti Nzapa - Tënë so amu fini

²¹ Tongaso, mbi baa so mbeni ndia ayeke daa: tongana mbi ye ti sara ye ti nzoni, sioni ye laa ayeke ku mbi kungo titene mbi sara ni.

Rome 7:21 ပူးပေါင်းရင်းမြစ်များ

Abia (Psaumes) 119:133

Na lege ti tënë ti yanga ti mo, sara si mbi do sese ngangu; mo zia mbeni ye ti sioni ahon ndö ti mbi pepe.

Abia (Psaumes) 119:37

Sara si le ti mbi angba na ndö ti buba ye pepe, sara si mbi kiri mbi duti na fini ti mu lege so mo fa.

Abia (Psaumes) 40:12

Ti mo, KOTA GBIA, mo ke ti baa mawa ti mbi pepe; fade nzoni be ti mo na taa-tënë ti mo ayeke bata mbi lakue.

Abia (Psaumes) 65:3

Mo so mo yeke ma sambela, fade azo kue ayeke ga nduru na mo.

Nzoni Tënë so Luc asu na mbeti 4:1

So Jésus asi na Yingo-Vuru, lo londo na ngu ti Jourdain lo kiri, Yingo amu lo, ague na lo na benyama.

Jean 8:34

Jésus atene na ala: “Biani, mbi tene na ala taa-tënë: zo so asara siokpari aga ngbaa ti siokpari awe.

Rome 6:12

Nilaa, alingbi siokpari akiri ale-gbia pepe na ndö ti tere ti ala so ayeke kui ande kuingo so, tongaso si ala sara ye na lege ti asioni nzara ti be ti ala pepe.

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

Rome 7:23

Me mbi baa na ya ti tere ti mbi, mbeni ndia nde ayeke daa: ndia ni ayeke tiri na mbeni ndia so gbungo-li ti mbi ayeda na ni. Ndia ni asara si mbi ga ngbaa ti siokpari so ayeke na ya ti tere ti mbi.

Rome 7:25

Mbi mu singila na Nzapa na iri ti Jésus Christ, Kota Gbia ti e! Tongaso, lege so mbi yeke duti na ni ayeke so: na lege ti gbungo-li ti mbi, mbi ga ngbaa ti Ndia ti Nzapa si na lege ti dutingo ti mbi ti zo, mbi ga ngbaa ti ndia ti siokpari.

Rome 8:2

Biani, *Ndia ti Yingo ayeke mu fini na zo na lege ti gango so zo ni aga oko na Jésus Christ. Ndia ti Yingo ni azi mbi na gbe ti ndia ti siokpari nga na ti kuâ awe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.