Rome 7:18 - Mbeti ti Nzapa - Tënë so amu fini

¹⁸ Mbi hinga so mbeni ye ti nzoni ayeke na ya ti mbi pepe, so ti tene na ya ti tere ti mbi ti zo. Ti be ti mbi, mbi ye ti sara nzoni ye, me mbi yeke na ngangu ti sara ni pepe.

Rome 7:18 ပူးပေါင်းရင်းမြစ်များ

Tongo nda ti aye 6:5

KOTA GBIA abaa so sioni ti zo ahon ndoni na ndö ti sese. Ti londo na ndaperere ngbii asi na lakui, be ti lo aye gi ti sara sioni.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Abia (Psaumes) 119:173

Ayeke nzoni mo mu na mbi maboko, ngbanga ti so mbi soro andia ti mo.

Abia (Psaumes) 119:176

Mbi gue kirikiri tongana taba so agirisa; ayeke nzoni mo gi mbi, zo ti kua ti mo, ngbanga ti so mbi girisa atënë ti ndia ti mo pepe.

Abia (Psaumes) 119:32

Mbi yeke kpe loro na lege so atënë ti ndia ti mo afa, ngbanga ti so mo sara si be ti mbi ade.

Abia (Psaumes) 119:40

Biani, nzara ti andia ti mo asara mbi mingi; sara si mbi kiri mbi duti na fini na lege ti mbirimbiri ti mo.

Abia (Psaumes) 119:5

Ayeke nzoni tambula ti mbi ague mbirimbiri titene mbi sara ye alingbi na ambela ti mo.

Abia (Psaumes) 51:5

Mbi hinga so mbi buba lege ti ndia ti mo awe; siokpari ti mbi ayeke lakue na le ti mbi.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Matthieu 15:19

Biani, aye tongana asioni tënë ti be ti zo, fango zo, gingo wali wala koli ti zo, sarango aye ti ndumba, nzi, tenengo mvene na le ti ngbanga na zongango ndo, alondo kue na be ti zo si asigigi.

Nzoni Tënë so Luc asu na mbeti 11:13

Ala so ayeke azo ti sioni, ala hinga ti mu anzoni ye na amolenge ti ala. Tongaso, Babâ so ayeke na yayu, alingbi ti mu ande Yingo-Vuru na azo so ahunda ni na lo pepe?”

Jean 3:6

Zo ayeke du gi zo, Yingo ayeke du gi yingo.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 7:15

Biani, mbi hinga li ti mbi na ye so mbi yeke sara pepe: ye so mbi ye, mbi yeke sara ni pepe, me ye so mbi ke, ni laa mbi yeke sara.

Rome 7:19

Biani, ye ti nzoni so mbi ye, mbi yeke sara ni pepe, me ye ti sioni so mbi ye pepe, ni laa mbi yeke sara ni.

Rome 7:25

Mbi mu singila na Nzapa na iri ti Jésus Christ, Kota Gbia ti e! Tongaso, lege so mbi yeke duti na ni ayeke so: na lege ti gbungo-li ti mbi, mbi ga ngbaa ti Ndia ti Nzapa si na lege ti dutingo ti mbi ti zo, mbi ga ngbaa ti ndia ti siokpari.

Rome 7:5

Biani, so ando e ngba ti sara ye so be ti e wani aye, asioni nzara ti be ti e awara ngangu na lege ti Ndia si ala yeke sara kua na ya ti tere ti e ti gue na e na kuâ.

Galasii 5:17

Biani, asioni nzara ti be ti zo ayeke tiri na aye so Yingo aye, aye so Yingo aye ayeke tiri na anzara ti be ti zo. Aye ti Yingo na anzara ti be ti zo ayeke ma tere pepe, so kue ayeke sara si ye so ala ye, ala lingbi ti sara ni pepe.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 3:12

So ti tene, mbi de ti si na nda ti lege ni pepe wala mbi de ti ga nzoni kue pepe. Me mbi ngba ti kpe loro, mbi yeke sara kue ti gue ti gbu ye so ayeke ku mbi, ngbanga ti so Jésus Christ wani agbu mbi awe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.