Rome 7:14 - Mbeti ti Nzapa - Tënë so amu fini

¹⁴ E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Rome 7:14 ပူးပေါင်းရင်းမြစ်များ

Tongo nda ti aye 37:27

E gue, e ka lo na azo ti mara ti Ismael so. E wani, e ndu lo pepe, ngbanga ti so lo yeke ita ti e, lo yeke taa mene ti e.” A-ita ti lo aye gbe ti tënë ti lo.

Tongo nda ti aye 37:36

Ti azo ti Madian, ala gue na Joseph na Ezipte si ala ka lo na Potifar, mbeni kota zo ti kua ti gbia Faraon; Potifar ayeke makonzi ti aturugu so ayeke bata gbia ni.

Tongo nda ti aye 40:15

Biani, a gbu mbi na ngangu na kodro ti ahebro si a ga na mbi ge. So mbi yeke ge so, mbi sara nga mbeni ye oko pepe si a bi mbi na da ti kanga so.”

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

2 Agbia 17:17

Ala gbi amolenge ti ala ti koli na amolenge ti ala ti wali na wâ ti mu na *sandaga. Ala gi nda ti aye, ala sara aye ti mazi nde nde. Ala mu tere ti ala ti sara ye so ayeke sioni na le ti KOTA GBIA ti zia ngonzo na be ti lo.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia (Psaumes) 119:25

Mbi lango taa na ya ti fuku ti sese; sara si mbi kiri mbi duti na fini alingbi na tënë ti mo.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Sigingo 22:3

“Tongana a wara mbeni nyama na fini le ti lo na ndo ti zo ti nzi: bagara, lele, taba wala ngasa, alingbi zo ti nzi ni azia mbeni nyama na ndö ti so lo nzi so si lo kiri na ni.”

Amato 30:2

“Biani, buba ti mbi ahon ti azo kue, hingango ndo so zo ayeke na ni, mbi yeke na ni pepe.

Amato 30:5

“Atënë ti Nzapa kue ayeke taa-tënë. Nzapa ayeke tongana *vala ndali ti azo so akpe na lo ti bata tere ti ala.

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 52:3

Biani, tënë so *KOTA GBIA atene ayeke so: “Lani so a ka ala tongana angbaa, a futa mbeni ye pepe; fade a yeke futa nginza nga pepe ti zi ala.”

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Awayango-sandaga 13:12

Me tongana wayango-sandaga abaa so buruma ni asigigi na tere ti zo ni kue, alondo na li ti lo asi na gere ti lo,

Awayango-sandaga 13:16

Tongana ndo so kasa ti tere ti zo ni asigigi daa akiri aga vuru ni, fade lo yeke gue na ndo ti wayango-sandaga;

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Amos 2:6

Tënë so KOTA GBIA atene ayeke so: “Mbi yeke na tënë na azo ti Israel ndali ti asioni ye ota, wala osio so ala sara: ala ka zo ti mbirimbiri ti wara na nginza, ala ka wayere ti wara na pâpä. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Matthieu 16:23

Me Jésus abaa ndo na peko si lo tene na Pierre: “Satan, hon kâ na tere ti mbi! Mo yeke gi ti kinda mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Matthieu 18:25

Koli so ayeke na ye oko ti futango na yongo ti lo ni pepe. Tongaso gbia ni amu yanga titene a ka koli so, lo, wali ti lo, amolenge ti lo na aye so kue lo yeke na ni si a mu nginza ni ti futa na yongo ni.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Matthieu 5:28

Ti mbi, mbi tene na ala: zo so abaa wali ti mba ti lo si asara nzara ti wali ni, andaa na be ti lo, lo gi wali ni awe.

Nzoni Tënë so Luc asu na mbeti 5:8

So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 7:6

Tongaso Jésus amu lege si lo na ala ague. So lo si nduru na da ni, kapita ti aturugu ni atokua ambeni mba ti lo ti tene na lo: “*Kota Gbia, mo baa pasi senge senge pepe, ngbanga ti so mbi kpa zo so mo lingbi ti li na ya ti da ti lo pepe.

Rome 3:9

Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.

Rome 6:6

E hinga so dutingo ti e ti kozo akui legeoko na Christ na ndö ti keke ti kroa awe. Tongaso sioni nzara ti be ti e akui nga si e kiri e duti na gbe ti ngbaa ti siokpari pepe.

Rome 7:18

Mbi hinga so mbeni ye ti nzoni ayeke na ya ti mbi pepe, so ti tene na ya ti tere ti mbi ti zo. Ti be ti mbi, mbi ye ti sara nzoni ye, me mbi yeke na ngangu ti sara ni pepe.

Galasii 4:3

E nga, e yeke ando tongaso: e yeke tongana amolenge, e yeke na gbe ti ngbaa ti ayingo so ayeke na ngangu na ndö ti dunia so.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

Ndia ti fani use ni 6:5

Alingbi mo ye KOTA GBIA Nzapa ti mo na be ti mo kue, na yingo ti mo kue, na ngangu ti mo kue.

Ahebro 4:12

Tënë ti Nzapa ayeke na fini si ayeke na ngangu ti sara ye. Tënë ni ayeke kpo be ti zo ahon yongoro zeme so yanga ni aza mbage na mbage. Tënë ni ayeke gue ngbii akangbi popo ti be ti zo na yingo ti zo. Tënë ni ayeke kangbi popo ti mafuta ti ya ti bio nga na ndo so abio atengbi tere daa. Tënë ni ayeke sigigi na tënë ti be ti zo nga na aye so kue nzara ni ayeke na be ti zo.