Rome 7:12 - Mbeti ti Nzapa - Tënë so amu fini

¹² Tongaso, Ndia alondo na Nzapa, atënë oko oko ti Ndia alondo na Nzapa, ayeke mbirimbiri si ayeke nga ye ti nzoni.

Rome 7:12 ပူးပေါင်းရင်းမြစ်များ

Néhémie 9:13

Mo londo na yayu, mo zu na ndö ti hoto ti Sinai; ngbene ye na yayu kâ, mo tene tënë na ala, mo mu na ala atënë ti yanga ti mo so ayeke mbirimbiri, andia so ayeke na lege ti taa-tënë, andia na ambela so ayeke nzoni mingi.

Abia (Psaumes) 119:127

Mbi ye atënë ti ndia ti mo ahon lôro, ataa lôro ti nzoni ni.

Abia (Psaumes) 119:137

KOTA GBIA, mo yeke mbirimbiri, atënë ti fango ngbanga ti mo ayeke na legeni.

Abia (Psaumes) 119:140

A tara atënë ti yanga ti mo, mbeni ye ti sioni oko ayeke daa pepe, nilaa mbi zo ti kua ti mo, mbi ye ni mingi.

Abia (Psaumes) 119:172

Ayeke nzoni mbi he bia ndali ti atënë ti yanga ti mo, ngbanga ti so atënë ti ndia ti mo ayeke mbirimbiri.

Abia (Psaumes) 119:38

Ye so mo mu yanga ti sara ni na mbi, zo ti kua ti mo, sara ni si fade azo akpe mbeto ti mo.

Abia (Psaumes) 119:86

Atënë ti ndia ti mo kue ayeke taa-tënë; azo ayeke tumba peko ti mbi gi senge senge, mu na mbi maboko.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

Rome 7:16

Tongana mbi sara ye so mbi ye pepe, andaa mbi yeda na Ndia si mbi yeda nga so Ndia ayeke nzoni ye.

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

Ndia ti fani use ni 4:8

Aye so ndia afa nga na atënë ti ndia so mbi zia na gbe ti ala laso ayeke mbirimbiri. Mbeni kota mara nde ayeke daa so aye so ndia ti lo afa nga na atënë ti ndia ti lo ayeke mbirimbiri tongana ti e so?

1 Timothée 1:8

E hinga, e tene, ndia ayeke nzoni ye tongana e sara ye na ni na legeni.