Rome 6:7 - Mbeti ti Nzapa - Tënë so amu fini

⁷ Biani, zo so akui awe, lo sigigi na gbe ti ngangu ti siokpari awe.

Rome 6:7 ပူးပေါင်းရင်းမြစ်များ

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 6:8

Me so e na Christ e kui awe so, e ma na be so e na lo, e yeke duti nga na fini.

Rome 7:2

Na lege ti tapande ti mungo tere ti koli na wali, ndia akanga wali na koli ti lo na ngoi so koli ni ade na fini; me tongana koli ni akui, wali ni asigigi awe na gbe ti ndia so lani akanga lo na koli ti lo so.

Rome 7:4

A-ita ti mbi, ye ni ayeke nga tongaso ndali ti ala: na lege ti kuâ so Christ akui, ala nga, ala kui si ala sigigi na gbe ti Ndia awe. Ti fadeso ala ga azo ti Christ, lo so azingo na kuâ awe; ala ga azo ti lo titene e sara anzoni ye ndali ti Nzapa.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.