Rome 6:5 - Mbeti ti Nzapa - Tënë so amu fini

⁵ Biani, so e ga oko biani na Christ na lege ti kuâ so e kui tongana lo, e yeke ga nga oko na lo na lege ti zingongo na kuâ tongana ti lo.

Rome 6:5 ပူးပေါင်းရင်းမြစ်များ

Abia (Psaumes) 92:13

Zo ti mbirimbiri ayeke kono tongana keke ti mburu, lo yeke ga kota tongana keke ti sedre ti Liban.

Ésaïe 5:2

Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Jérémie 2:21

Mbi lu mo ando tongana pendere keke ti vinye, tongana kete keke so apendere mingi. Ye ni asara tongana nyen laa mo kiri mo ga sioni vinye so zo ahinga li ti lo na ni pepe?

Matthieu 15:13

Jésus akiri tënë na ala: “Akeke so kue Babâ ti mbi so ayeke na yayu alu ni pepe, fade a yeke gboto ni.

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

2 Korente 4:10

Na ngoi kue, e yeke yo na ya ti tere ti e kuâ ti Jésus, tongaso si azo alingbi ti baa fini ti Jésus na ya ti tere ti e ti zo.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Kolose 3:1

So ala na Christ azingo na kuâ awe, ala gi lege ti wara aye so ayeke na yayu, ndo so Christ aduti na tere ti Nzapa na mbage ti maboko ti lo ti koli.