Rome 6:12 - Mbeti ti Nzapa - Tënë so amu fini

¹² Nilaa, alingbi siokpari akiri ale-gbia pepe na ndö ti tere ti ala so ayeke kui ande kuingo so, tongaso si ala sara ye na lege ti asioni nzara ti be ti ala pepe.

Rome 6:12 ပူးပေါင်းရင်းမြစ်များ

Tongo nda ti aye 4:7

Tongana mo sara ye nzoni, fade mo yeke duti na ngia. Me tongana mo sara ye sioni, siokpari ayeke lango na yanga ti da ti mo ti ku mo. Lo yeke na nzara ti mo. Ti mo, alingbi mo hon ndö ti siokpari ni.”

Abia (Psaumes) 119:133

Na lege ti tënë ti yanga ti mo, sara si mbi do sese ngangu; mo zia mbeni ye ti sioni ahon ndö ti mbi pepe.

Abia (Psaumes) 19:13

Zo wa laa alingbi ti hinga asiokpari so kue lo sara? Asiokpari so mbi hinga pepe, mo zi ni na li ti mbi.

Awayango-sandaga 13:40

“Tongana kua ti li ti mbeni koli atuku kue, lo ga li-mbombo awe; lo yeke *nzoni.

Wungo ti azo 33:55

Me tongana ala, azo ti Israel, ala tumba pepe azo so alango na sese ni na dawa ti ala, ambeni zo so ayeke ngba na popo ti ala ayeke ga tongana aki na ya ti le ti ala, azo ti Israel, wala tongana akeke ti ki ti kpo peko ti ala. Azo ni ayeke ga awato ti ala na ya ti kodro so ala yeke duti daa.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 8:13

Tongana ala yeke duti na fini na lege ti asioni nzara ti be ti ala, fade ala yeke kui; me na lege ti Yingo, tongana ala zi na ya ti fini ti ala asioni sarango ye ti ala ti zo, fade ala yeke duti na fini.

2 Korente 4:11

Biani, e so e de na fini, azo ayeke ka e na kuâ lakue ndali ti Jésus, tongaso si azo abaa nga Jésus so ayeke na fini na ya ti tere ti e so ayeke kui ande kuingo so.

2 Korente 5:4

Biani, na ngoi so kue e yeke na ya ti da ti bongo so, so ti tene na ya ti tere ti e ti zo, e yeke dema na gbe ti mbeni nengo kungba. E ye ti zia tere ti e ti zo so pepe, me e ye titene a yu bongo ti yayu na ndö ti tere ni so, tongaso si fini amene ye so ayeke kui so.

Galasii 5:16

Tënë so mbi ye ti tene na ala ayeke so: ala zia Yingo ti Nzapa afa lege na fini ti ala, tongaso si ala sara ye na lege ti asioni nzara ti be ti ala pepe.

Galasii 5:24

Azo ti Christ akanga na ndö ti keke ti kroa awe asioni nzara ti be ti ala so ayeke pusu ala ti sara aye kirikiri.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

Efeze 4:22

Tongaso, alingbi ala zia ngbene lege ti dutingo ti ala. Ando, anzara ti be ti ala ayeke handa ala si ayeke buba ala. Alingbi ala zia ngbene dutingo ti ala ti zo tongana ti so zo ayeke zi gbagba bongo na tere ti lo.

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

1 Tesalonike 4:5

Ala sara ye na lege ti asioni nzara ti be ti ala pepe, tongana ti azo ti amara nde so ahinga Nzapa pepe.

2 Timothée 2:22

Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

1 Pierre 1:14

Ala sara ye tongana amolenge so ayeke ma ndo. Ala sara ye pepe na lege ti anzara ti be ti ala so ala yeke na ni ando, na ngoi so ala de ti hinga ndo pepe so.

1 Pierre 2:11

A-ita ti mbi so mbi ye ala mingi, ala yeke tongana agene, tongana awande na ndö ti sese so. Ndani laa mbi hunda na ala titene ala ke asioni nzara ti be so ayeke sara bira na ala.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Jude 1:18

Awatokua ni atene na ala: “Na lango ti ndani, azo ayeke he ala na ngia, azo ti sioni so ayeke sara ye alingbi gi na asioni nzara ti be ti ala.”

Awafango-ngbanga 2:3

Tongaso mbi tene: ‘Fade mbi yeke tumba azo ni na dawa ti ala pepe; azo ni ayeke ngba na popo ti ala, anzapa ti azo ni ayeke duti tongana kuku ndali ti ala.’ ”