Rome 5:9 - Mbeti ti Nzapa - Tënë so amu fini

⁹ Fadeso e ga mbirimbiri na le ti Nzapa na lege ti mene ti Christ. Na ndö ti so kue, na lege ti Christ, fade a yeke soo nga e na kuâ na ya ti ngonzo ti Nzapa.

Rome 5:9 ပူးပေါင်းရင်းမြစ်များ

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:10

Na ngoi so lani e yeke awato ti Nzapa, lo sara si songo akiri na popo ti e na lo na lege ti kuâ ti Molenge ti lo. Na ndö ti so kue, so songo akiri na popo ti e na lo awe, lo lingbi nga ti soo e na kuâ na lege ti fini ti Molenge ti lo.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

Efeze 2:13

Ando, ala so ayeke yongoro na Nzapa, fadeso, na lege ti gango so ala ga oko na Christ, ala ga nduru na Nzapa, ngbanga ti so mene ti Christ atuku ndali ti ala.

Efeze 2:3

E nga kue, e yeke ando tongana ala: e yeke sara aye na lege ti asioni nzara ti be ti e, e yeke sara ye so be ti e aye na ye so anzere na be ti e. E nga, ngonzo ti Nzapa alingbi ti ti na li ti e tongana tanga ti azo kue ndali ti so a du e zo.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Ahebro 9:22

Na lege ti ye so ndia afa, aye so a lingbi ti sukula asioni ni na mene pepe ayeke mingi pepe. Tongana mene atuku pepe, a lingbi ti zi siokpari na li ti azo pepe.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.