Rome 5:8 - Mbeti ti Nzapa - Tënë so amu fini

⁸ Me Nzapa afa ndoye ti lo na e na lege so: na ngoi so e ngba lani azo ti siokpari, Christ akui ndali ti e.

Rome 5:8 ပူးပေါင်းရင်းမြစ်များ

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Jean 15:13

Tongana mbeni zo aka fini ti lo ndali ti azo so lo ye ala, mbeni ndoye ti hon so ayeke daa pepe.

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Rome 3:5

Me so sarango ye ti kirikiri ti e asara si mbirimbiri ti Nzapa asigigi na le ti azo kue so, mbeni tënë ti tenengo ni ayeke daa? Nzapa ayeke kirikiri, ngbanga ti so lo yeke pika e na ngonzo ti lo? (Mbi tene tënë so tongana ti so azo ayeke tene.)

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 5:6

Biani, na ndembe so lani e yeke na ngangu pepe, Christ akui ndali ti azo ti siokpari, gi na ngoi so Nzapa aye.

Rome 5:7

Titene mbeni zo ayeda ti kui ndali ti zo ti mbirimbiri, so ayeke ngangu mingi, wala titene mbeni zo ayeda ti kui ndali ti zo ti sarango nzoni, so mbi hinga pepe.

Rome 8:32

Nzapa agbanzi Molenge ti lo na e pepe, me lo ka lo ndali ti e kue; fade lo yeke ke ti mu na e aye kue tongana nyen?

Rome 8:39

ataa angangu ti nduzu, ataa angangu ti gbe ti sese, ataa mbeni ye oko so Nzapa asara, mbeni ye oko alingbi ti kangbi e pepe na ndoye so Nzapa afa na e na lege ti Jésus Christ, *Kota Gbia ti e.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

1 Timothée 1:16

me Nzapa abaa mawa ti mbi. Tongaso, Jésus Christ akanga be ti lo mingi ti ku mbi, mbi so mbi yeke kozo zo ti sarango siokpari. Mbi ga tapande ndali ti azo so ayeke ma na be ande na lo ti wara fini so angba lakue lakue.

Ahebro 8:3

Kota wayango-sandaga kue, a mu lo titene lo ya aye wala *sandaga na Nzapa. Nilaa, alingbi Jésus ayeke na mbeni ye na maboko ti lo ti ya na Nzapa.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.