Rome 5:1 - Mbeti ti Nzapa - Tënë so amu fini

¹ So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:1 ပူးပေါင်းရင်းမြစ်များ

Mbeti ti Job 21:21

Tongana lo kui awe, ye so ayeke si ande na amolenge ti lo ayeke sara ye oko na lo pepe.

Abia (Psaumes) 122:6

Azo, ala hunda siriri ndali ti Jérusalem! Ayeke nzoni azo so aye mo aduti nzoni!

Ésaïe 27:5

Me tongana mbeni zo amu mbi tongana gbagba ti batango lo, lo yeke sara si mbi na lo, e duti na siriri; biani, mbi na lo, e yeke duti na siriri!”

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Zakarii 6:13

Biani, lo laa lo yeke kiri ti leke kota da ni. Lo yeke yu abongo ti gbia, lo yeke duti na ndö ti mbata ti gbia ti sara komandema na ndö ti azo. Mbeni wayango-sandaga ayeke duti na tere ti lo. Ala use kue ayeke ma tere na popo ti ala nzoni.

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Nzoni Tënë so Luc asu na mbeti 19:42

Lo tene: “Âa! Tongana mo nga, mo hinga fade ye so alingbi ti mu na mo siriri! Me mawa ni ayeke so ye ni angba na hondengo ni si le ti mo abaa ni pepe!

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 10:10

Biani, tongana zo ama na be, lo ga mbirimbiri; tongana lo tene tënë ni na yanga ti lo, lo yeke soo kuâ.

Rome 10:15

Fade azo ayeke fa tënë ni tongana nyen so a tokua ala pepe so? Mbeti ti Nzapa atene nga: “So ayeke nzoni ye mingi ti baa azo so aga ti fa anzoni tënë!”

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 15:33

Ayeke nzoni Nzapa so ayeke mu siriri na zo aduti na ala kue! Amen.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 3:30

ngbanga ti so Nzapa ayeke gi oko. Lo yeke sara titene azuife na azo ti amara nde kue aga mbirimbiri na le ti lo na lege ti mabe.

Rome 4:5

Me zo so asara kua pepe si lo ma na be na Nzapa so ayeke sara titene azo ti sioni aga azo ti mbirimbiri, fade mabe ti lo ayeke sara si Nzapa abaa lo tongana zo ti mbirimbiri.

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

Rome 5:18

Tongaso, na lege ti siokpari ti zo oko, ngbanga ati na li ti azo kue. Legeoko nga, sarango ye ti mbirimbiri ti zo oko asara si azo kue aga mbirimbiri si ala yeke na fini.

Rome 6:23

Biani, futa ti siokpari ayeke kuâ; me nzoni ye so Nzapa ayeke mu na zo senge senge ayeke fini so angba lakue lakue, na lege ti gango so e ga oko na Jésus Christ, *Kota Gbia ti e.

Rome 9:30

Tongaso, fade e yeke tene nyen? Fadeso azo ti amara nde aga mbirimbiri na le ti Nzapa awe ndali ti so ala ma na be. Andaa titene ala ga mbirimbiri, ala gi ando lege ni pepe.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Galasii 3:25

Me fadeso, so ngoi ti mabe asi awe, e yeke na gbe ti Ndia mbeni pepe, Ndia so ayeke tongana zo ti bango ndo na ndö ti e so.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Efeze 2:7

Lo sara nzoni ye so na e na lege ti Jésus Christ titene na ya ti angoi so kue ayeke ga, azo alingbi ti baa so nzoni be ti lo ahon ndoni.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Kolose 1:20

Nzapa ayeda nga si songo akiri na popo ti lo na aye ti dunia kue na lege ti Molenge ti lo. Lo mu siriri na aye kue na lege ti mene ti Molenge ti lo so ayuru na ndö ti keke ti kroa. Tongaso, songo akiri na popo ti lo na aye kue, ataa aye ti sese, ataa aye ti yayu kue.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.