Rome 4:5 - Mbeti ti Nzapa - Tënë so amu fini

⁵ Me zo so asara kua pepe si lo ma na be na Nzapa so ayeke sara titene azo ti sioni aga azo ti mbirimbiri, fade mabe ti lo ayeke sara si Nzapa abaa lo tongana zo ti mbirimbiri.

Rome 4:5 ပူးပေါင်းရင်းမြစ်များ

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 6:29

Jésus akiri tënë na ala: “Kua so Nzapa ahunda na ala ti sarango ni ayeke ti ma na be na zo so lo tokua lo.”

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 4:24

ayeke nga ndali ti e so Nzapa abaa e tongana azo ti mbirimbiri na lege ti mabe ti e. Biani, e ma na be na lo so azingo Jésus, *Kota Gbia ti e na kuâ.

Rome 4:3

Biani, Mbeti ti Nzapa atene: “Abraham azia be ti lo na Nzapa, nilaa Nzapa abaa lo tongana zo ti mbirimbiri na lege ti mabe ti lo.”

Rome 4:6

Nilaa David atene tënë ti nzoni duti ti zo so Nzapa abaa lo tongana zo ti mbirimbiri, ataa so zo ni asara kua pepe. David atene:

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Josué 24:2

Tongaso Josué atene na azo ni kue, atene: “Tënë so *KOTA GBIA, Nzapa ti Israel atene ayeke so: ‘Akotara ti ala so ayeke azo ti sewa ti Tera, babâ ti Abraham na babâ ti Nahor ayeke ando na mbage ti ngu ti Efrate. Akotara ti ala ni ayeke voro ando ambeni nzapa nde.