Rome 4:20 - Mbeti ti Nzapa - Tënë so amu fini

²⁰ Me lo zia be ti lo na ndö ti zendo ti Nzapa, lo dekite pepe; lo kpengba na lege ti mabe si lo gonda Nzapa.

Rome 4:20 ပူးပေါင်းရင်းမြစ်များ

Tongo nda ti aye 15:6

Abram azia be ti lo na KOTA GBIA. Ndani laa KOTA GBIA abaa lo tongana zo ti mbirimbiri.

2 Agbia 7:19

Turugu ti kota kamba ti gbia atene lani na Élisée: “Ataa KOTA GBIA azi fenetere na yayu, atënë so mo tene so, fade ayeke ga taa-tënë?” Élisée akiri tënë, atene: “Fade mo yeke baa ye ni na le ti mo, me mo yeke te kobe ni pepe.”

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Daniel 11:32

Na lege ti sarango aye ti mayere, fade gbia ni ayeke handa azo ti ke lege ti mbuki ti ala na Nzapa. Me azo so angba na lege ti Nzapa, fade ala ngba ti luti ngangu na ya ti asarango ye ti ala.

Aggée 2:4

Ti fadeso, Zorobabel, gbu ngangu! So tënë ti yanga ti KOTA GBIA laa. Yeshua, kota wayango-sandaga, molenge ti Yosadak, gbu ngangu! Ala azo ti kodro ni kue, ala gbu ngangu! So tënë ti yanga ti KOTA GBIA laa. Ala kue alondo, asara kua! Biani, mbi yeke na ala! So tënë ti yanga ti KOTA GBIA so ayeke na ndö ti dunia kue laa.

Zakarii 8:13

Ala, akodro-gbia ti Juda na ti Israel, na popo ti amara kue, ala yeke lani tapande ti mbeni mara so a deba lo. Me fadeso, mbi soo ala, ala yeke ga tapande ti mbeni mara so a sara tufa na ndö ti lo. Ala sara mbeto pepe, ala gbu ngangu!”

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

Matthieu 9:8

So azo ni abaa ye so, mbeto asara ala. Ala gonda Nzapa ndali ti so lo mu ngangu na azo ti sara aye tongaso.

Nzoni Tënë so Luc asu na mbeti 1:18

Zakarii atene na ange ni: “Fade mbi yeke hinga ye ni tongana nyen? Mbi ga mbakoro awe si ngu ti wali ti mbi ahon mingi.”

Nzoni Tënë so Luc asu na mbeti 1:45

Ti mo nzoni, ngbanga ti so mo ma na be so ye ni ayeke si ande gi tongana ti so Kota Gbia atene tënë ni na mo!”

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

2 Timothée 2:1

Ti mo, molenge ti mbi, mo kpengba na ya ti nzoni be so Nzapa asara na e na lege so e ga oko na Jésus Christ.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.