Rome 4:18 - Mbeti ti Nzapa - Tënë so amu fini

¹⁸ Abraham azia be ti lo kue ti ku, ataa so mbeni ye titene lo zia be ti lo ti ku ni ayeke daa pepe. Lo ma na be si lo ga “Kotara ti gba ti amara.” Ye ni asi alingbi na tënë so Mbeti ti Nzapa atene: “Fade ahale ti mo ayeke ga mingi mingi tongaso.”

Rome 4:18 ပူးပေါင်းရင်းမြစ်များ

Amato 13:12

Ye so zo azia be ti lo daa ti ku si asi hio pepe, ye ni asara si be ti lo awoko. Me tongana zo awara ye so lo sara nzara ni, ye ni ayeke ga tongana keke so amu fini na zo.

Ezekiel 37:11

Na pekoni, KOTA GBIA atene na mbi: “Molenge ti zo, abio so ayeke limo ti azo ti Israel kue laa. Azo ti Israel atene: ‘E yeke tongana akuru bio, mbeni ye titene e zia be ti e ti ku ayeke daa pepe; ti e ahunzi awe!’

Nzoni Tënë so Luc asu na mbeti 1:18

Zakarii atene na ange ni: “Fade mbi yeke hinga ye ni tongana nyen? Mbi ga mbakoro awe si ngu ti wali ti mbi ahon mingi.”

Awatokua 27:25

Tongaso, a-ita, ala gbu ngangu! Biani, mbi zia be ti mbi na Nzapa: ye ni ayeke si ande gi tongana ti so lo tene na mbi.

Rome 4:17

Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Rome 4:19

Ngu ti Abraham aga nduru na ngu ngbangbo oko, me mabe ti lo awoko pepe. Lo baa so, lo ga nduru na kuâ awe si Sara alingbi ti du nga molenge pepe.

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Rome 8:24

Andaa Nzapa asoo e na kuâ awe gi na lege so e zia be ti e ti ku ye so lo mu na e. Me ye so zo azia be ti lo ti ku ni, tongana lo baa ni awe, lo lingbi ti kiri ti zia be ti lo ti ku ni pepe. Tongana zo abaa ye awe, fade lo yeke kiri ti zia be ti lo ti ku ni?

Ahebro 6:19

Ti fini ti e ayeke nga tongaso: ye so e zia be ti e ti ku ayeke tongana nengo wen so a yeke bi na ya ti ngu, agbu mangboko si aluti mbirimbiri. Ye so e zia be ti e ti ku ayeke ye so aluti mbirimbiri, ye ni ahon na ya ti ridoo so a kanga na ya ti kota da ti Nzapa so ayeke na yayu, ague ngbii asi na ndo so ayeke nde si ayeke nzoni kue ahon atanga ni.