Rome 4:17 - Mbeti ti Nzapa - Tënë so amu fini

¹⁷ Biani, Mbeti ti Nzapa atene: “Mbi sara si mo ga kotara ti gba ti amara.” Na le ti Nzapa, lo yeke taa kotara ti e ndali ti mabe ti lo. Nzapa so ayeke mu fini na akuâ, na lege ti tënë ti yanga ti lo, ye so ayeke daa pepe, lo sara si ye ni abaa gigi.

Rome 4:17 ပူးပေါင်းရင်းမြစ်များ

Tongo nda ti aye 17:16

Mbi yeke sara tufa na ndö ti lo. Mbi yeke sara titene lo du molenge-koli na mo. Mbi yeke sara tufa na ndö ti lo. Lo yeke ga tara ti azo ti amara nde nde. Ambeni hale ti lo ayeke ga ande agbia ti amara nde nde.”

Tongo nda ti aye 17:20

Ti Ismael, mbi ma tënë ti mo awe. Baa, mbi yeke sara tufa na ndö ti lo; mbi yeke sara titene lo du amolenge, ala wu ahon ndoni. Lo yeke ga babâ ti amakonzi baleoko na use si mbeni kota mara ayeke baa gigi na lege ti lo.

Tongo nda ti aye 28:3

Ayeke nzoni Nzapa so ngangu ti lo ahon angangu kue asara tufa na ndö ti mo. Lo yeke sara titene mo du amolenge, ala wu mingi. Lo yeke sara titene azo ti amara mingi mingi abaa gigi na lege ti mo.

Ésaïe 43:6

Fade mbi yeke tene na Banga: ‘Kiri na ala’, mbi yeke tene na Mbongo: ‘Gbanzi ala pepe.’ Amolenge ti mbi ti koli so ayeke na yongoro ndo, mo kiri na ala; amolenge ti mbi ti wali so ayeke na nda ti sese kâ, mo kiri na ala.

Ésaïe 44:7

Zo wa laa alingbi na mbi, zo wa? Alingbi lo dekongo, lo fa na mbi nda ti aye ni, ngbene ye so mbi sara akozo mara! Alingbi lo fa na mbi aye so asi awe nga na aye so ayeke si ande.

Ésaïe 48:13

Na maboko ti mbi wani, mbi zia gere ti sese; na maboko ti mbi ti koli, mbi gbara le ti nduzu: gi so mbi iri ala, ala ga aluti.

Ésaïe 49:12

Baa! Ala londo yongoro si ala yeke ga: ambeni alondo na mbage ti Banga, ambeni na mbage ti Do, ambeni na mbage ti Mbongo, na mbage ti Ezipte.”

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ésaïe 55:12

Fade ala yeke londo na Babilone na ngia, a yeke kiri na ndo ti ala na siriri. Na hongo ti ala, ahoto na akete hoto ayeke dekongo na ngia, akeke kue ti ngonda ayeke pika sako.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Awatokua 15:18

lo fa tënë ni ando na azo kozoni awe.’

Rome 3:29

Wala Nzapa ayeke gi Nzapa ti azuife awe? Lo yeke nga Nzapa ti azo ti mara nde pepe? Biani, lo yeke nga Nzapa ti azo ti amara nde,

Rome 4:18

Abraham azia be ti lo kue ti ku, ataa so mbeni ye titene lo zia be ti lo ti ku ni ayeke daa pepe. Lo ma na be si lo ga “Kotara ti gba ti amara.” Ye ni asi alingbi na tënë so Mbeti ti Nzapa atene: “Fade ahale ti mo ayeke ga mingi mingi tongaso.”

Rome 4:2

Tongana lo ga ando mbirimbiri na le ti Nzapa ndali ti anzoni ye so lo sara, ka lo lingbi fade ti gonda tere ti lo daa; me na le ti Nzapa, lo lingbi ti sara ni pepe.

Rome 8:11

Nzapa azingo Jésus na kuâ. Tongana Yingo ti Nzapa ayeke duti na be ti ala, fade Nzapa so azingo Jésus Christ na kuâ ayeke sara titene tere ti ala so ayeke kui kuingo so aduti na fini na lege ti Yingo ti lo so aduti na be ti ala.

Rome 9:11

Andaa ye so Nzapa aleke na be ti lo ayeke ti soro zo: lo yeke soro zo ndali ti sarango ye ti lo pepe, me tongana ti so be ti lo aye; lo laa lo yeke iri zo. Titene Nzapa abata tënë ti yanga ti lo, lo tene na Rébecca: “Fade kozo molenge ti mo ayeke sara kua na gbe ti ngambe ni.” Nzapa atene tënë ni kozo titene Rébecca adu amolenge ni, andaa ala de ti sara nzoni wala sioni pepe.

Rome 9:26

Na ndo so a tene ando na ala, atene: ‘ala yeke azo ti mbi pepe’, gi na ndo ni so laa a yeke iri ala amolenge ti Nzapa so ayeke na fini.”

1 Korente 1:28

Ye so azo ti dunia so abaa na le ti ala tongana kete ye, tongana mbumbuse ye, tongana ye so akpa ye oko pepe, Nzapa asoro ni ti buba na ye so azo ni abaa tongana kota ye na le ti ala.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

Ahebro 11:12

Ndani laa, gi na lege ti zo oko so aga nduru na kuâ awe, a du azo mingi si ala ga gbani gbani tongana atongoro ti le ti nduzu, tongana mbutu ti yanga ti kota ngu-ingo so zo alingbi ti diko ni pepe.

Ahebro 11:3

Na lege ti mabe si e hinga, e tene, dunia abaa gigi na lege ti tënë ti yanga ti Nzapa. So aye ti fa atene, ye so le ti zo ayeke baa, alondo na lege ti ye so le ti zo abaa pepe.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

2 Pierre 3:8

A-ita ti mbi so mbi ye ala mingi, mbeni tënë ayeke daa so alingbi ala girisa ni pepe: na le ti Kota Gbia, lango oko ayeke tongana ngu saki oko si ngu saki oko ayeke tongana lango oko.