Rome 4:15 - Mbeti ti Nzapa - Tënë so amu fini

¹⁵ Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 4:15 ပူးပေါင်းရင်းမြစ်များ

2 Agbia 22:13

“Ala gue, ahunda *KOTA GBIA ndali ti mbi, ndali ti azo ti kodro nga ndali ti azo ti Juda kue, ndali ti atënë ti ya ti mbeti so a wara so. Biani, KOTA GBIA asara ngonzo mingi; ngonzo ti lo alondo tongana wâ na tere ti e, ngbanga ti so akotara ti e aye ti ma atënë ti ya ti mbeti so pepe; ala sara ye pepe alingbi na atënë so a su na ya ti mbeti ni na ndö ti e.”

Jérémie 4:8

Ayeke nzoni ala yu bongo ti mua, ala toto, ala dema tere, ngbanga ti so ngonzo ti *KOTA GBIA so alondo na tere ti e tongana wâ so, ade ti de pepe.

Abia ti demango tere 2:22

Azo so alango nduru na mbi si mbeto ti ala agbu mbi mingi so, mo tisa ala ti ga na tere ti mbi, mo baa mo tene, azo na lango ti matanga. KOTA GBIA, na lango so ngonzo ti mo alondo, zo oko ti kpe ti soo kuâ ayeke daa pepe, zo oko ti ngba na fini ayeke daa pepe. Amolenge so mbi bata ala si ala kono na da ti mbi so, awato aga afâ ala, ahunzi ala kue!

Ezekiel 7:19

Ala yeke tuku nginza ti ala na ndö ti alege, lôro ti ala ayeke ga tongana zende na le ti ala. Na lango ti ngonzo ti KOTA GBIA, nginza na lôro ti ala alingbi ti soo ala pepe. Ala yeke wara kobe ti kai na nzara ti ala pepe, ala yeke kui nzara, ngbanga ti so nginza na lôro laa abi ala na ya ti siokpari.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Wungo ti azo 32:14

Ala, mara ti azo ti sarango siokpari so, ala ye ti mu peko ti sarango ye ti ababâ ti ala titene ngonzo ti KOTA GBIA alondo na tere ti azo ti Israel?

Jean 15:22

Tongana mbi ga fade pepe si mbi tene tënë na azo ni pepe, ka siokpari ayeke na li ti ala pepe. Me fadeso, ala yeke na mbeni tënë ti kiri na ni pepe ndali ti siokpari ti ala.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 5:13

Kozo titene Nzapa afa *Ndia na Moïse, siokpari ayeke na ndö ti dunia so awe, me ndali ti so Ndia ayeke daa pepe, a diko siokpari na li ti zo pepe.

1 Korente 15:56

Ye so kuâ ayeke fâ azo na ni ayeke siokpari; ye so amu ngangu na siokpari ayeke ndia.

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Galasii 3:19

Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Kolose 3:6

Asioni ye tongaso laa asara si ngonzo ti Nzapa ayeke londo [na tere ti azo so ake yanga ti lo].

1 Jean 3:4

Zo so kue ayeke sara siokpari, lo ke ndia ti Nzapa awe, ngbanga ti so sarango siokpari ayeke kengo ndia.

Aye so Nzapa afa 19:15

Mbeni yongoro zeme so yanga ni aza mingi alondo na yanga ti lo si ayeke sigigi. Na yongoro zeme ni laa, alingbi lo kinda azo ti amara nde. Fade lo yeke fa lege na ala na komandema ti ngangu; lo yeke do ale ti *vinye na ya ti du ti petengo na vin ti kota ngonzo ti Nzapa so ngangu ti lo ahon angangu kue.