Rome 4:13 - Mbeti ti Nzapa - Tënë so amu fini

¹³ Nzapa amu zendo na Abraham na *ahale ti lo so fade dunia so ayeke ga ye ti ala. Nzapa amu zendo ni na Abraham, ngbanga ti so lo sara ye na lege ti *Ndia pepe, me ngbanga ti so Nzapa abaa lo tongana zo ti mbirimbiri na lege ti mabe ti lo.

Rome 4:13 ပူးပေါင်းရင်းမြစ်များ

Tongo nda ti aye 12:3

Fade mbi yeke sara tufa na ndö ti azo so ayeke sara tufa na ndö ti mo. Mbi yeke deba zo so ayeke deba mo. Na lege ti mo, a yeke sara tufa na ndö ti azo ti asewa ti dunia kue.”

Tongo nda ti aye 17:16

Mbi yeke sara tufa na ndö ti lo. Mbi yeke sara titene lo du molenge-koli na mo. Mbi yeke sara tufa na ndö ti lo. Lo yeke ga tara ti azo ti amara nde nde. Ambeni hale ti lo ayeke ga ande agbia ti amara nde nde.”

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 2:8

Hunda mbi, fade mbi yeke mu na mo amara kue; mbi yeke mu ala na mo si ala ga ti mo. Akodro ti dunia kue ayeke ga ti mo.

Abia (Psaumes) 72:11

Agbia kue ayeke kuku na gbe ti lo, amara kue ayeke sara kua na lo.

Awatokua 13:32

E nga, e yeke fa na ala Nzoni Tënë so: Nzoni Tënë so Nzapa amu zendo ni na akotara ti e.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

Rome 9:8

So ti tene: amolenge so Abraham adu ala tongana ti so azo kue ayeke du laa ayeke amolenge ti Nzapa pepe. Me gi ala so a du ala alingbi na zendo ti Nzapa laa ayeke taa ahale ti lo.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 7:6

Melkisedeke ayeke zo ti mara ti Lévi pepe, me Abraham amu na lo dime ti aye so lo wara. Na ndoni, Melkisedeke asara tufa na ndö ti Abraham, lo so Nzapa amu zendo na lo so.