Rome 4:12 - Mbeti ti Nzapa - Tënë so amu fini

¹² Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

Rome 4:12 ပူးပေါင်းရင်းမြစ်များ

Mbeti ti Job 33:11

Lo kanga gere ti mbi na zingiri; aye so kue mbi yeke sara, le ti lo gi na ndö ni.”

Abia (Psaumes) 47:9

Nzapa ayeke le-gbia na ndö ti amara nde; lo duti na ndö ti mbata ti lo ti gbia, mbata so a zia nde ndali ti lo.

Amato 2:20

Tongaso, ayeke nzoni mo mu lege ti dutingo ti azo ti nzoni; mo sara ye tongana ti azo ti mbirimbiri.

B. ti abia 1:8

Mo so mo yeke pendere mo hon awali kue so, tongana mo hinga pepe, mo mu peko ti gere ti ataba, mo fa lege na akete nyama ti mo, ngbii asi na tere ti agbefa ti awabatango-taba.

Ezekiel 33:24

“*Molenge ti zo, azo so angba na Israel si ayeke lango na ya ti gbata so abuba awe so, atene: ‘Abraham ayeke ando gi lo oko si lo mu sese so ti ga ye ti lo. Me ti e, e yeke gbani, e lingbi fadeso ti mu sese so ti ga ye ti e senge.’

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

Rome 4:11

Na ngoi so Abraham ade ti fâ ganza pepe, lo wara mbeni nzoroko so afa atene, Nzapa abaa lo tongana zo ti mbirimbiri na lege ti mabe. Nilaa Abraham aga babâ ti azo so kue ama na be, ataa so lo de ti fâ ganza pepe si Nzapa abaa ala nga tongana azo ti mbirimbiri.

Rome 4:13

Nzapa amu zendo na Abraham na *ahale ti lo so fade dunia so ayeke ga ye ti ala. Nzapa amu zendo ni na Abraham, ngbanga ti so lo sara ye na lege ti *Ndia pepe, me ngbanga ti so Nzapa abaa lo tongana zo ti mbirimbiri na lege ti mabe ti lo.

2 Korente 12:18

Mbi tene tënë mingi na Tite si mbi tokua lo, lo na mbeni ita [so mbi tene tënë ti lo] so. So Tite ague so, lo te mbeni ye ti ala? E na lo kue, be ti e ayeke gi oko pepe? E na lo kue, sarango ye ti e ayeke gi oko pepe?

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.