Rome 3:9 - Mbeti ti Nzapa - Tënë so amu fini

⁹ Nyen? E azuife, e hon tanga ti azo kue? Oko pepe! Mbi fa tënë so kozoni awe, mbi tene: azuife na azo ti amara nde kue ayeke na gbe ti komandema ti siokpari.

Rome 3:9 ပူးပေါင်းရင်းမြစ်များ

Amato 20:9

Zo wa laa alingbi ti tene: “Mbi sara si be ti mbi avuru! A sukula siokpari ti mbi awe!”, zo wa?

Ésaïe 65:5

Ala yeke tene na azo, atene: ‘Ngba yongoro, ga nduru na mbi pepe! Fade ye ti ngangu ayeke wara mo, ngbanga ti so a zia mbi nde awe.’ Tongana mbi baa aye so kue ala yeke sara, wâ ti ngonzo ti mbi ayeke londo si ayeke gbi ndo lakue.

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 11:32

Biani, Nzapa asara si azo kue aga azo ti kanga ndali ti kengo yanga, tongaso si lo baa mawa ti azo kue.

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Rome 3:1

Tongaso, ye so azuife ahon azo ti amara nde na ni ayeke nyen? Ye ti nzoni so zo ayeke wara na lege ti fango *ganza ayeke nyen?

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Rome 3:5

Me so sarango ye ti kirikiri ti e asara si mbirimbiri ti Nzapa asigigi na le ti azo kue so, mbeni tënë ti tenengo ni ayeke daa? Nzapa ayeke kirikiri, ngbanga ti so lo yeke pika e na ngonzo ti lo? (Mbi tene tënë so tongana ti so azo ayeke tene.)

Rome 6:15

Nyen? So e sigigi na gbe ti *Ndia awe si e yeke na gbe ti nzoni be ti Nzapa so, so laa ayeke mu lege na e ti sara siokpari? Oko pepe!

Rome 7:14

E hinga so *Ndia ayeke ye ti Yingo; ti mbi, mbi yeke zo senge, a ka mbi tongana ngbaa na siokpari.

1 Korente 10:19

Tënë ti nyen laa mbi ye ti tene? Nyama so a ya na sandaga na anzapa nde ayeke mbeni ye? Wala mbeni nzapa nde ayeke mbeni ye?

1 Korente 14:15

Fade mbi yeke sara nyen? Mbi yeke sambela na lege ti yingo, me mbi yeke sambela nga na lege so azo alingbi ti ma ya ni; mbi yeke he bia na lege ti yingo, me mbi yeke he nga bia na lege so azo alingbi ti ma ya ni.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

Galasii 3:10

Me azo so azia be ti ala gi na ndö ti sarango aye alingbi na Ndia, deba ti Nzapa ayeke na li ti ala. Biani, Mbeti ti Nzapa atene: “Deba aga na li ti zo so asara ye pepe alingbi na atënë kue ti ya ti mbeti ti Ndia!”

Galasii 3:22

Me Mbeti ti Nzapa atene, azo kue ayeke na gbe ti ngangu ti siokpari. Ndani laa, ye so Nzapa amu zendo ni, lo yeke mu ni na azo so ama na be na Jésus Christ, lo mu ni na ala ndali ti mabe ti ala.

Filipe 1:18

Me so ayeke senge! Ataa ala fa tënë ni na sioni be, wala na nzoni be, kota ye ni ayeke so, ala yeke fa tënë ti Christ! Ndani laa be ti mbi ayeke na ngia! Fade be ti mbi ayeke ngba ti duti na ngia.