Rome 3:4 - Mbeti ti Nzapa - Tënë so amu fini

⁴ Oko pepe! Alingbi azo ahinga atene, Nzapa ayeke sara ye na lege ti taa-tënë, me azo kue ayeke azo ti mvene. Nilaa Mbeti ti Nzapa atene: “Fade azo ayeke hinga atene, mo yeke mbirimbiri na lege ti tënë ti yanga ti mo si na ndembe so azo aye ti fâ ngbanga ti mo, mo sigigi na ya ti tënë ni.”

Rome 3:4 ပူးပေါင်းရင်းမြစ်များ

Mbeti ti Job 36:3

Ye so mbi hinga, mbi ye ti fa ni na azo so ayeke yongoro kâ; mbi ye ti fa so Nzapa so asara mbi, atënë ti lo ayeke na legeni.

Mbeti ti Job 40:8

Mo ye biani ti fa so mbi fâ ngbanga na legeni pepe? Mo ye ti fa so mbi sara sioni si mo laa mo sara nzoni?

Abia (Psaumes) 100:5

Biani, KOTA GBIA ayeke nzoni, nzoni be ti lo angba kpu na kpu; lo ngba ti sara ye alingbi na tënë ti yanga ti lo ngu na ngu.

Abia (Psaumes) 116:11

Li ti mbi aga kirikiri si mbi tene: “Azo kue ayeke azo ti mvene.”

Abia (Psaumes) 119:160

Tënë ti mo na ngbongboro ni kue ayeke taa-tënë, atënë ti fango ngbanga ti mo kue ayeke mbirimbiri si angba lakue lakue.

Abia (Psaumes) 138:2

Mbi kuku, mbi kpo li ti mbi na sese na mbage ti kota da ti mo so ayeke nde si ayeke nzoni kue, mbi yeke mu singila na mo ndali ti nzoni be ti mo nga ndali ti tënë ti yanga ti mo so mo yeke bata. Biani, aye so mo mu yanga ti sarango ni, mo yeke sara ni ahon ye so e yeke ku na mbage ti mo.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Mishe 7:20

Mo yeke bata tënë ti yanga ti mo na *ahale ti Jacob na ti Abraham. Ye so mo deba yanga ti mo ti sara na akotara ti e ngbene ye ando laa.

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Nzoni Tënë so Luc asu na mbeti 20:16

Fade lo yeke ga ti fâ azo ti fango yaka so si lo yeke mu yaka ni na ambeni zo nde.” So azo ni ama tënë so, ala tene: “Ye ni ayeke si oko pepe!”

Jean 3:33

Zo so ayeda na tënë ti lo, lo yeke fa mbirimbiri na le ti azo so, Nzapa ayeke tene taa-tënë.

Rome 11:1

Mbi hunda ndo, mbi tene: Nzapa ake azo ti lo awe? Oko pepe! Mbi wani, mbi yeke nga zo ti Israel, mbi yeke *hale ti Abraham, zo ti mara ti Benjamin.

Rome 11:11

Tongaso mbi hunda ndo, mbi tene: so azuife apika gere ti ala si ala ti so, ala ti biani biani awe? Oko pepe! Me ndali ti tingo ti azuife, azo ti amara nde awara lege ti soo kuâ, tongaso si kota be asara azuife.

Rome 3:31

Tongaso, na lege ti mabe, e yeke baa Ndia tongana senge ye? Oko pepe! Me e mu nengo na Ndia.

Rome 6:15

Nyen? So e sigigi na gbe ti *Ndia awe si e yeke na gbe ti nzoni be ti Nzapa so, so laa ayeke mu lege na e ti sara siokpari? Oko pepe!

Rome 6:2

Oko pepe! E so e kui si e kangbi na siokpari awe so, fade e yeke ngba na ya ti siokpari tongana nyen?

Rome 7:13

Ye so ayeke ye ti nzoni, akiri aga ye ti fango mbi? Oko pepe! Me siokpari laa afâ mbi: siokpari amu ye so ayeke nzoni ti fâ mbi na ni, ti fa so lo yeke siokpari biani, nilaa na lege ti tënë ti ndia, siokpari afa so lo yeke taa ye ti sioni biani.

Rome 7:7

Tongaso, fade e yeke tene nyen? *Ndia ayeke siokpari? Oko pepe! Me Ndia afa na mbi ti hinga ye so ayeke siokpari. Ndia atene: “Mo sara nzara ti ye ti zo pepe.” Tongana ndia atene fade tënë na ndö ti sarango nzara ti ye ti zo pepe, ka mbi hinga ni pepe.

Rome 9:14

Tongaso, fade e yeke tene nyen? Nzapa ayeke mbirimbiri pepe? Oko pepe!

1 Korente 6:15

Ala hinga pepe atene, tere ti ala ayeke mbage ti tere ti Christ? Fade mbi yeke mu mbage ti tere ti Christ ti sara si aga mbage ti tere ti wali-ndumba? Oko pepe!

2 Korente 1:18

Na le ti Nzapa, tënë so mbi tene na ala, mbi tene ge “een” si mbi tene kâ “ên-en” pepe.

Galasii 2:17

E yeke gi lege ti ga mbirimbiri na le ti Nzapa na lege ti gango so e ga oko na Christ. So e yeke sara tongaso, e baa so e nga, e yeke azo ti siokpari tongana azo ti amara nde. So afa atene, Christ asara si e ga azo ti siokpari? Oko pepe.

Galasii 2:21

Mbi ye titene ye so Nzapa amu na e na nzoni be aga senge ye pepe. Tongana mbeni zo aga mbirimbiri na le ti Nzapa na lege ti Ndia, andaa Christ akui gi senge senge!

Galasii 6:14

Ti mbi, mbi ye ti gonda tere ti mbi gi ndali ti keke ti kroa ti *Kota Gbia ti e Jésus Christ. Na lege ti keke ti kroa ni, aye ti dunia so aga tongana ye so akui awe ndali ti mbi si mbi nga, mbi kui awe ndali ti aye ti dunia so.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.