Rome 3:30 - Mbeti ti Nzapa - Tënë so amu fini

³⁰ ngbanga ti so Nzapa ayeke gi oko. Lo yeke sara titene azuife na azo ti amara nde kue aga mbirimbiri na le ti lo na lege ti mabe.

Rome 3:30 ပူးပေါင်းရင်းမြစ်များ

Rome 2:26

Zo so afâ ganza pepe si lo sara ye alingbi na Ndia, na le ti Nzapa lo yeke tongana zo so afâ ganza awe.

Rome 2:27

Zo ti mbeni mara nde so afâ ganza pepe si lo yeke sara ye alingbi na Ndia, fade lo yeke fâ ngbanga na li ti mo so mo yeke zuife ndali ti so mo fâ ganza awe, me mo yeke sara ye alingbi na Ndia pepe so.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Rome 3:28

Biani, e lingbi ti tene tongaso: zo ayeke ga mbirimbiri na le ti Nzapa na lege ti mabe, me ndali ti sarango ye ti lo na lege ti Ndia pepe.

Rome 4:16

Ndani laa azo alingbi ti wara aye so Nzapa amu zendo ni gi na lege ti mabe; lo mu aye ni na ahale ti Abraham gi senge senge. Tongaso zendo ni ayeke ndali ti ahale ti Abraham kue. Ambeni zo so azia be ti ala na ndö ti *Ndia, zendo ni ayeke gi ndali ti ala oko pepe, me ayeke nga ndali ti azo so ama na be tongana Abraham, babâ ti e kue.

Rome 4:9

Nzoni duti ni so ayeke gi ndali ti azo so afâ *ganza wala ayeke nga ndali ti azo so afâ ganza pepe? Biani, e tene: “Ndali ti mabe ti Abraham, Nzapa abaa lo tongana zo ti mbirimbiri.”

Galasii 3:20

Tongana zo ayeke gi lo oko, lege titene mbeni zo aduti walekengo-songo ayeke daa pepe. Andaa Nzapa ayeke gi oko.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Galasii 3:8

Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Galasii 6:15

Ndani laa, ataa zo afâ ganza wala lo fâ ganza pepe, so ayeke senge. Kota ye ni ayeke so Nzapa asara si e ga afini zo!

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

1 Timothée 2:5

Biani, Nzapa ayeke gi oko; walekengo-songo na popo ti azo na Nzapa ayeke gi oko: Jésus Christ,