Rome 3:25 - Mbeti ti Nzapa - Tënë so amu fini

²⁵ Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe

Rome 3:25 ပူးပေါင်းရင်းမြစ်များ

Abia (Psaumes) 119:142

Mbirimbiri ti mo ayeke mbirimbiri so ayeke lakue lakue, ndia ti mo ayeke taa-tënë.

Abia (Psaumes) 22:31

*Ahale ti ala ayeke sara ande kua na lo, azo ayeke tene tënë ti KOTA GBIA, ala yeke tene tënë ti lo na azo ti ngoi so ayeke ga.

Abia (Psaumes) 40:10

Na ya ti kota bongbi ti azo, mbi fa tënë ti mbirimbiri ti mo; mbi kanga yanga ti mbi pepe, KOTA GBIA, mo hinga ni kue.

Abia (Psaumes) 50:6

Yayu ayeke fa tënë ti mbirimbiri ti Nzapa: Nzapa laa ayeke wafango-ngbanga! Luti kete

Abia (Psaumes) 97:6

Yayu afa mbirimbiri ti lo, amara kue abaa gonda ti lo.

Abia (Psaumes) 98:2

KOTA GBIA afa songo benda ti lo na azo kue, lo fa nga mbirimbiri ti lo na le ti amara nde.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Awayango-sandaga 16:10

Ti ngasa so ye ni afa atene, lo yeke ti Azazel, Aaron ayeke zia lo na fini le ti lo na dawa ti KOTA GBIA tongana sandaga ti zingo siokpari na li ti ala. Na pekoni, Aaron ayeke tumba ngasa ni na benyama.

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Awatokua 14:16

Na ya ti angoi so ahon, Nzapa azia amara kue titene ala mu lege so be ti ala wani aye.

Awatokua 15:18

lo fa tënë ni ando na azo kozoni awe.’

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Awatokua 2:23

A zia koli so na maboko ti ala, ala kanga lo na ndö ti keke ti kroa si ala fâ lo. Andaa Nzapa ahinga kozoni si lo leke na be ti lo awe.

Awatokua 3:18

Na lege so laa Nzapa asara ye alingbi na tënë so lo zia ando na yanga ti awayanga ti lo si ala tene. Lo tene: fade *Mesii ayeke baa pasi.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Rome 2:4

So Nzapa ayeke sara nzoni be mingi na mo, lo yeke fâ ngbanga na li ti mo hio pepe si lo yeke kanga be ti lo ti ku mo so, so ayeke senge na le ti mo? Lo yeke sara nzoni be na mo titene mo zia ngbene lege ti sarango ye ti mo; mo hinga so pepe?

Rome 3:26

na ngoi so lo kanga be ti lo ti ku ala. Ti fadeso, lo fa so lo yeke mbirimbiri si lo ye titene azo so ama na be na Jésus aga mbirimbiri na le ti lo.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

Rome 5:18

Tongaso, na lege ti siokpari ti zo oko, ngbanga ati na li ti azo kue. Legeoko nga, sarango ye ti mbirimbiri ti zo oko asara si azo kue aga mbirimbiri si ala yeke na fini.

Rome 5:9

Fadeso e ga mbirimbiri na le ti Nzapa na lege ti mene ti Christ. Na ndö ti so kue, na lege ti Christ, fade a yeke soo nga e na kuâ na ya ti ngonzo ti Nzapa.

1 Korente 5:7

Ala zi angbene mama ti mapa titene ala ga *nzoni! Tongaso, fade ala yeke ga tongana fini farini so a gbu ya ni si a zia mama ti mapa daa pepe. Biani, ala ga tongana fini farini so a gbu ya ni awe, ngbanga ti so Christ ayeke taba ti *Pake ti e so a mu lo na *sandaga awe.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 2:13

Ando, ala so ayeke yongoro na Nzapa, fadeso, na lege ti gango so ala ga oko na Christ, ala ga nduru na Nzapa, ngbanga ti so mene ti Christ atuku ndali ti ala.

1 Timothée 1:15

Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

Ahebro 11:14

Azo so ayeke tene tënë tongaso, ala ye ti fa na le ti azo polele so, ala yeke gi mbeni kodro titene aga ti ala.

Ahebro 11:17

Na lege ti mabe, Abraham amu Isaac na *sandaga na Nzapa na ndembe so Nzapa atara be ti lo. Lo mu oko molenge ti lo na sandaga na Nzapa, ataa so Nzapa amu zendo na lo,

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Ahebro 9:5

Na ndö ti sanduku ni, limo ti *asheruben ayeke daa so afa atene, Nzapa ayeke na ndo so. Asheruben azi ya ti *akpangi ti ala na ndö ti *ye ti kangango na yanga ti sanduku ni. Me ndembe ni laa pepe titene mbi fa nda ti aye so oko oko kue fadeso.

1 Jean 1:10

Tongana e tene, e sara siokpari pepe, andaa e yeke sara si Nzapa aga zo ti mvene si tënë ti lo ayeke na be ti e pepe.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

1 Jean 4:10

Nda ti tënë ti ndoye ayeke so: e laa e ye Nzapa pepe, me Nzapa laa aye e si lo tokua Molenge ti lo ti mu tere ti lo na *sandaga ti zi asiokpari ti e.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.