Rome 3:20 - Mbeti ti Nzapa - Tënë so amu fini

²⁰ Ndani laa, tongana zo asara ye kue alingbi na Ndia, so laa ayeke sara si lo ga mbirimbiri na le ti Nzapa pepe. Andaa Ndia ayeke mu gi lege na zo ti hinga so lo sara siokpari awe.

Rome 3:20 ပူးပေါင်းရင်းမြစ်များ

Mbeti ti Job 15:15

Ataa *a-ange ti lo, Nzapa azia be ti lo na ndö ti ala pepe; ataa yayu ayeke *nzoni na le ti lo pepe

Abia (Psaumes) 130:3

KOTA GBIA, tongana mo ngba fade ti dabe ti mo na asioni ti azo, zo wa laa ayeke ngba na fini, zo wa, Kota Gbia?

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Awatokua 13:39

Na lege ti Jésus laa azo so kue ama na be, a zi siokpari na li ti ala.

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Rome 3:28

Biani, e lingbi ti tene tongaso: zo ayeke ga mbirimbiri na le ti Nzapa na lege ti mabe, me ndali ti sarango ye ti lo na lege ti Ndia pepe.

Rome 4:13

Nzapa amu zendo na Abraham na *ahale ti lo so fade dunia so ayeke ga ye ti ala. Nzapa amu zendo ni na Abraham, ngbanga ti so lo sara ye na lege ti *Ndia pepe, me ngbanga ti so Nzapa abaa lo tongana zo ti mbirimbiri na lege ti mabe ti lo.

Rome 4:15

Biani, Ndia ayeke sara si Nzapa asara ngonzo; me ndo so Ndia ayeke daa pepe, tënë ti kengo Ndia ayeke nga daa pepe.

Rome 5:13

Kozo titene Nzapa afa *Ndia na Moïse, siokpari ayeke na ndö ti dunia so awe, me ndali ti so Ndia ayeke daa pepe, a diko siokpari na li ti zo pepe.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 7:11

Biani, na lege ti tënë ti Ndia laa siokpari awara lege ti handa mbi si afâ mbi.

Rome 9:32

Ala girisa ni ndali ti nyen? Ndali ti so ala ye ti ga mbirimbiri na le ti Nzapa na lege ti anzoni ye so ala yeke sara, me ala gi ti ga mbirimbiri na lege ti mabe pepe. Ala pika gere ti ala na tere ti têne so asara si zo aye ti ti,

1 Korente 15:56

Ye so kuâ ayeke fâ azo na ni ayeke siokpari; ye so amu ngangu na siokpari ayeke ndia.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Galasii 2:19

Ti mbi, mbi kui kuâ ti Ndia lani awe si mbi sigigi na gbe ti Ndia ni titene fini so mbi yeke na ni ayeke ndali ti Nzapa; so ti tene, na ndembe so Christ akui na ndö ti keke ti kroa, mbi na lo laa e kui.

Galasii 5:4

Ala azo so kue ayeke gi ti ga mbirimbiri na le ti Nzapa na lege ti Ndia, ala kangbi na Christ awe; lege ti nzoni be ti Nzapa akanga na ala awe.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.