Rome 3:11 - Mbeti ti Nzapa - Tënë so amu fini

¹¹ Zo ti hingango ndo ayeke daa pepe, zo ti gingo lege ti Nzapa ayeke daa pepe.

Rome 3:11 ပူးပေါင်းရင်းမြစ်များ

Abia (Psaumes) 53:2

Azo so li ti ala ayeke daa pepe ayeke tene na be ti ala, atene: “Nzapa ayeke daa lawa!” Azo so fini ti ala akpa pepe, ala sara sioni ye ahon ndoni; zo oko ti sara nzoni ayeke daa pepe.

Abia (Psaumes) 53:4

Ala kue azia nzoni lege awe; ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Abia (Psaumes) 94:8

Ala abuba zo so, mbeni zo ti buba ti lingbi na ala ayeke daa? Ala sara hange si! Ala, azo so li ti ala ayeke daa pepe so, ala yeke hinga ande ndo lawa?

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 1:7

Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Ésaïe 65:1

*KOTA GBIA atene: “Azo so ahunda ye na mbi pepe, mbi zia lege na ala ti hunda mbi. Azo so agi mbi pepe, mbi zia lege na ala ti wara mbi; mbi tene: ‘Mbi laa, mbi laa!’ Me mbi tene tënë ni na mara so adi iri ti mbi pepe.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 7:10

Baba ti azo ti Israel ayeke fa sioni ti ala na le ti azo; me ala kiri na *KOTA GBIA, Nzapa ti ala pepe. Ataa so kue, ala gi lo pepe.

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Rome 3:10

Mbeti ti Nzapa atene: “Zo ti mbirimbiri ayeke daa pepe, ataa oko ayeke daa pepe.

Rome 3:12

Azo kue azia nzoni lege awe, ala kue abuba awe. Zo ti sarango nzoni ayeke daa pepe, ataa oko ayeke daa pepe.

Rome 8:7

Azo so be ti ala ayeke gi na ndö ti asioni nzara ti be ti ala, ala yeke awato ti Nzapa; ala ke ti sara ye alingbi na Ndia ti Nzapa, ala lingbi nga ti sara ni oko pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.