Rome 2:8 - Mbeti ti Nzapa - Tënë so amu fini

⁸ Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Rome 2:8 ပူးပေါင်းရင်းမြစ်များ

2 Mbai 6:23

mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, lo wara pika lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

Mbeti ti Job 24:13

Azo ti sioni ake tënë ti kota lâ, lege so ndo avuru daa, ala hinga ni pepe; ala yeke tambula daa pepe.

Abia (Psaumes) 90:11

Zo wa laa alingbi ti hinga ngangu ti ngonzo ti mo? Zo so akpe mbeto ti mo laa ahinga ngonzo ti mo nzoni mingi!

Amato 11:23

Nzara ti be ti azo ti mbirimbiri ayeke gi ye oko: sarango nzoni ye. Me ti azo ti sioni, ye so ala yeke ku ayeke gi ngonzo.

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Jérémie 34:18

“Azo so abuba ya ti mbuki ti mbi na ala awe, mbuki so lani ala sara na dawa ti mbi, na lege ti kete bagara so ala suru ya ti lo use si ala hon na popo ti nyama ni so. Azo ni ake ti sara ye alingbi na atënë ti ya ti mbuki ni awe. Nilaa fade mbi yeke sara na ala gi mara ti ye so ala sara na kete bagara ni so.

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 10:16

Me azo kue laa ayeda na Nzoni Tënë ni pepe, nilaa Ésaïe atene: “Kota Gbia, zo wa laa ayeda na tënë so e fa?”

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

Rome 9:22

Nzapa aye ti fa ngonzo ti lo na azo si lo ye ti sara si ala hinga ngangu ti lo. Andaa azo so lo sara ngonzo na tere ti ala si ala yeke nduru titene lo fâ ngbanga ti kuâ na li ti ala, lo kanga be ti lo mingi na ala,

1 Korente 11:16

Me tongana mbeni zo aye ti ke tënë so, ayeke nzoni lo hinga lo tene, mbeni lege nde ayeke daa pepe so e na *a-Eglize ti Nzapa, e yeke sara ka na ni.

2 Korente 12:20

Mbeto asara mbi titene tongana mbi si na ala kâ, mbi baa dutingo ti ala ayeke nde na ti so be ti mbi aye si ala nga, ala baa dutingo ti mbi ayeke nde na ti so be ti ala aye. Mbeto asara mbi titene aye tongaso aduti na popo ti ala: papa, kota be, ngonzo, kangbingo tere, zongango zo na asioni tënë, fonongo na iri ti zo, baba, sarango aye ti wusuwusu.

Galasii 5:20

vorongo anzapa nde, guengo na zo na gbe ti yoro, kengo zo, papa, kota be, ngonzo, gbugburungo tere ti gi na kota ndo, mungo mbage ti mbeni zo, kangbi,

Filipe 1:17

Ambeni ayeke fa tënë ni gi ti gi na kota ndo, be ti ala ayeke sioni; ala tene na be ti ala atene, ala yeke sara si pasi ti mbi akiri ahon ndoni na da ti kanga.

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

Tite 3:9

Me mo kpe lege ti gingo nda ti asenge senge tënë: tënë ti nda ti mara ti azo, apapa na *abingbingo tënë na ndö ti atënë ti *Ndia. Aye so kue ayeke senge senge, zo alingbi ti wara ye daa pepe.

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.

Jacques 3:16

Biani, ndo so kota be ayeke daa si gbugburungo kota ndo ayeke daa, wusuwusu na mara ti asioni nde nde ayeke daa.

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

Aye so Nzapa afa 14:10

fade lo nga, lo yeke nyon vin ti kota ngonzo ti Nzapa. A yeke tuku vin ni na ya ti kopo ti ngonzo ti Nzapa, a yeke tuku ngu daa pepe. Lo yeke baa ande pasi na le ti wâ na *sufre, na le ti a-ange ti Nzapa nga na le ti Molenge ti Taba.

Aye so Nzapa afa 16:19

Ya ti kota gbata ni akangbi ota si agbata ti akodro nde nde atuku na sese. Nzapa adabe ti lo na kota gbata ti Babilone; lo mu vin ti ngonzo ti lo ti wâ na ya ti kopo titene azo ti gbata ni anyon.